OLA CHIKKA! SA sobrang dami ng tsismis at kaguluhan sa mundo ng showbiz, hindi na alam ng makati kong dila kung saan magsisimula! Una na rito ang pangingialam ni Kris Aquino sa lovelife ng kanyang kapatid na si President Noynoy. Bidang-bida kasi ang balitang hiwalay na si P-Noy sa kanyang dating kasintahang si Councilor Shalani Soledad. At siyempre, knowing Kris Aquino ay malamang marami siyang sayings, na lumalabas tuloy na pinang-hihimasukan na niya ang buhay ng kapatid. Siguro concern lamang siya, ngunit mukhang mas ikatutuwa pa ng kanyang kuya kung mas uunahin niyang ayusin ang sarili niyang problema sa pag-ibig kaysa kung kanino pa.
Kitang-kita ng marami kung gaano kagulo ang lovelife ni Tetay kaya marami ang nagsasabing wala siyang karapatang pakialaman ang buhay pag-ibig ng kahit na sino pa man. Kahit gaano pa siya katalino ay talo naman siya kapag pag-ibig na ang pinag-uusapan.
Sabagay, kahit ako nga naman ang bigyan ng advise ni Kris, malamang hindi ko rin naman siya pakikinggan, baka magaya pa ako sa love story niya.
Ooops! Beep! Beep! Baka may magalit! Sadyang naghahayag lamang ng opinyon at sinasabi ng nakararami. Oh! pag-ibig na makapangyarihan! Ha-ha-ha!
BLIND ITEM: PITIK-BULAG! Sino siya? Mahulaan n’yo kaya itong napakaguwapong aktor na madalas maispatan na may ka-date na pagkaganda-gandang non-showbiz na babae?!
Bakit? Wala namang masama kung makipag-date, hindi ba? Ngunit papaano kung itong si guwapong aktor ay may dyowang kapwa niya artista at honestly speaking ay isa sa mga controversial na lover in real life?! Tamah! May dyowa na itong si guwapong aktor ngunit nakikipaglandian pa sa ibang babae. Naku, huh! Bad ‘yan!
Nakita kasi ng aking parazzi girl itong si guwapong aktor sa Rockwell at magalang pang isinakay ng binata sa kanyang kotse ang Ingleserang non-showbiz girl. Ano nga naman bang sinabi ng dyowa niya? Maganda nga, pero masama naman ang ugali at sobrang nakaaasar ang bibig dahil sa mga salitang binibitiwan! Kunsabagay, hindi natin mapipigilan si guwapong aktor sa isang sosyalera na may pamatay na katawan at mukha, tapos mukhang matalino pa.
Sino ba namang lalaki ang hindi gugustuhing maka-date siya?!
Mukhang madalas nagde-date itong dalawa dahil naispatan ulit sila ng aking parazzi girl na kumakain sa isang tagong restaurant, masayang kumakain at nagkukuwentuhan na pagkatagal-tagal pa! Hindi naman puwedeng mag-BFF lamang sila ‘noh, as in Best Friend Forever, ‘di ba?
Itong mga araw na ito ay mga panahon kung saang alam ng marami na nagpapahinga galing sa sakit si guwapong aktor, ngunit… nagkakamali sila! Ha-ha-ha! Malamang, kapag nalaman ng dyowa niya ito ay magkakaroon ng World War 100 dahil sa ugali ba naman nu’n na walang kinatatakutan!
‘Yun na!
Hindi n’yo pa rin mahulaan? Subaybayan na lamang sa aming programa ni Lady Camille sa DWSS 1494 kHz weekdays from 11:30 AM to 12: NN. At patuloy pa rin po akong subaybayan sa DZRH TV tuwing Linggo mula 2:30 to 3:30 p.m. Thank you very much and God Bless us all!
Ooola Chika
E-mail: [email protected]
by Tita Swarding
