IPINAGPAPASALAMAT NI Heart Evangelista na bago siya ulit sumabak sa sunud-sunod na trabaho ay nakapagbakasyon siya ng ilang araw sa Hong Kong kasama ang boyfriend niyang si Senator Chiz Escudero.
“Nag-enjoy ako,” aniya. “Nakapag-relax ako kahit papa’no. Kasi starting next week, everyday na ang work ko, eh.
“MWF (Monday, Wednesday, and Friday), may taping na ako para sa bago kong soap. Tuesday, Thursday and Saturday naman, may shooting ako para sa movie naman na Sossy Problems. And then Sunday, Party Pilipinas. Do’n sa soap, I think makakasama ko si Geoff Eigenmann. Mag-story conference na kami for it. Balik-drama na naman ako.”
Naiisip na ba niya ang tungkol sa pagsi-settle down sa panahong magkasama sila ni Senator Chiz sa Hong Kong?
“Oh, my gosh!” natawa si Heart. “Huwag muna. Wait! Masyado pang maaga para maisip ko ang tungkol do’n. Si Chiz, sobrang bait niya. Seryoso siyang tao pero napaka-down to earth niya. Napaka-sincere niya sa lahat ng tao. Funny rin siya. Very funny.”
Aware daw naman sila na may mga hindi kumbinsido sa pagkakaroon nila ng relasyon. May mga nag-iisip pa nga na parang nagagamit daw ngayon si Heart para sa political career ni Senator Chiz.
“Okey lang. Bahala na sila. Hindi naman sila ang kinikilig, eh!” sabay tawa ulit ni Heart.
“Yeah! I mean, you know… that’s why I want to keep it private. Kasi ayoko ng mga intriga. But then again, you know… business ko ‘yon, eh,” pagtukoy niya sa relasyon nila ni Senator Chiz.
“Kumbaga, kung may mga sinasabi man sila, okey lang. Wala namang magagawa sa akin ‘yon, eh. I’m always going to be open. I’m always going to be honest. But I won’t be as public as before,” sabay ngiti niya. “I’m happy like that.”
Willing naman siyang tumulong sa mga political activities nito? “Ah… in fact, ayaw niya. Because he doesn’t want anybody to think that way. And also careful siya para sa akin din. So, nakakatuwa. Because ayaw niya. But if there’s time na nando’n ako, eh ‘di nando’n ako. Pero hindi niya ako kailangan. Number one naman siya. So let him do his thing. I’ll do mine.”
For the record, gaano na ba sila katagal ni Senator Chiz? “Actually, hindi namin binibilang ‘yon, eh. So, let’s say I’ve know him for almost six months now.”
Pero hindi six months na ‘yong relasyon nila? “Hindi. Siguro mga… two to three months. Mga ganyan. Oo. First time ko na lumabas sa ibang bansa with him. And, uhm… kasi siyempre importante rin na makalabas naman ako. Eh, siya rin busy rin ang schedule niya. Bonding talaga na… getting to know you to the next level. More to the next level ang aming getting to know each other.”
Dalawa lang daw silang bumiyahe. At sa ilang araw na pagbabakasyon nila together, mas nakilala pa raw nila ang isa’t isa.
Hangga’t maaari, ayaw raw ni Heart na maging masyadong makuwento tungkol sa realsyon nila ni Senator Chiz. “I think I owe it to myself this time to keep it private. Because you’ll never know what will happen. Siguro this time, natuto na ako na… hinay-hinay lang. At hindi naman sa idini-deny. Ginagawa lang pribado ang mga bagay. Tingin ko, mas okey ‘yong gano’n na you keep it private. Although pareho kaming public figure. Anong magagawa namin? But, it’s still ano, it’s nice to keep it private.”
‘Yun na!
Rubbing Elbows
by Ruben Marasigan
