BLIND ITEM: AHA! Ang kapit-bahay mismo ni hunk aktor sa isang high-rise condo sa Mandaluyong ang nag-tsika sa amin na madalas magpunta ru’n ang kanyang rumored girlfriend na isa ring aktres at hot mama.
Sabi pa, kadalasan daw ay tumatagal du’n ng one week ang aktres kaya ang tanong nga ng kanilang mga tsismosang neighbors, nagli-live in na ba ang dalawa?
Wala naman talagang masama sa kanilang relasyon dahil pareho silang single. Kahit na pareho silang may mga anak e, they can still play sweet music together, sabi nga, dahil wala silang taong natatapakan.
But wait. Kung nagtatagal ng one week ang aktres sa condo unit ni hunk actor, bakit nga ba hindi pa sila mag-live in? Meron pa ba silang problemang inaayos bago nila iakyat ng isa pang notch ang kanilang relationship?
Naku! Tumutok lang kayo sa Kapuso station at siguradong markado agad ang dalawang lovers na ito na parehong hot… getz?
SIGURO NGA SI Robin Padilla at si Mariel Rodriguez na nga ang bagong couple sa Kapamilya station.
Aba, nang sinurpresa ni Robin si Queenie Padilla ng isang birthday party sa Teatrino Greenhills last Friday e, present din du’n ang Wowowee co-host. May nakapansin din na madalas e, hawak ni Binoe ang kamay ni Mariel.
Pasimpleng lumabas sa isang sulok sina Robin at Mariel habang wala pang masyadong tao at ‘saka umakyat sa second level ng Teatrino para magkaroon ng private place habang pinanonood ang ihinanda nilang surprise party kay Queenie.
Sa tingin namin e, pinakilala na ni Robin si Mariel kay Mommy Eva na present din sa occasion na ‘yon. Wala naman daw nasabing hindi maganda ang Padilla matriarch kaya siguro nga, boto si Mommy Eva sa rumored girlfriend ngayon ni Binoe.
But wait. Si Queenie ba e, boto rin kay Mariel para sa kanyang Papa? Hindi kasi namin napansin na nagtsikahan sina Queenie at Mariel.
At kung sakaling papiliin si Binoe, sino kaya ang mas matimbang sa kanya. Ang anak o ang kanyang rumored girlfriend? Esep-esep!!!
‘NGA PALA. PRESENT si Ejay Falcon sa 19th birthday celebration ni Queenie. Lagi silang magkatabi that night pero kapansin-pansin din na hindi masyadong sweet si Ejay sa dalaga ni Binoe.
Natatakot kaya siya dahil present nang gabing ‘yon si Papa Robin? O baka natatakot siya sa isa pang boylet na nali-link kay Queenie sa Kapuso station?
“Ha? Bakit naman ako matatakot du’n (referring to the other boylet sa channel 7)? Hindi ko siya kinakatakutan ‘no!” sabi sa amin ni Ejay nu’ng tinukso namin.
Ganu’n? Mukhang palaban si Ejay, huh! Kaya lang, hindi naman niya pinapakita na talagang pinaglalaban niya si Queenie. Nakalilito tuloy ang mga bagets na ito, sa totoo lang.
Anyway, present din that night si Kylie and Ali Padilla, pati na rin si Uncle Rommel.
Marami lang ang nakapansin. Bakit kaya umeeksena raw that night ‘yung nanay ni Bella Padilla ng Party Piliinas na ang akala mo e, siya ang may birthday. Samantalang sina Queenie at ang kanyang mga kapatid e, tahimik lang at hindi pakalat-kalat sa Teatrino?
Hmmm… you talaga, mommy ni Bella, over ka na, huh! Hek-hek-hek…
Sour-MINT
by Joey Sarmiento
