NAKALULUNGKOT NAMAN ITONG mga naglabasang kuwento sa pagkamatay ni Ramgen Revilla. Nu’ng kamakalawa ng hapon ito inilibing sa Angelus Eternal Garden sa Imus, Cavite at talagang dinagsa ito ng napakaraming tao dahil siguro karamihan sa kanila du’n ay nakiusyoso lang.
Nagsalita ang ina ni Ram na si Genelyn Magsaysay na dapat ay lumabas daw ang tunay na pumatay sa kanyang anak, at huwag ituro ang dalawa pa niyang anak. Hindi raw niya pinalaki ang mga anak para magpatayan lang.
Naintindihan namin ang nararamdaman ng isang ina lalo na’t namatayan ka na, tapos isinangkot pa ang dalawang kapatid. Ang sakit nun sa kanya, pero ‘yun ang lumabas sa imbestigasyon kaya sa totoo lang, naka-lilito na at hindi na natin alam kung ano talaga ang totoo.
Kahit si Sen. Bong Revilla ay nagsalita na ring hindi sila makapaniwalang magagawa ‘yun ng kanyang half-brother at sister. Pero kung sakaling ‘yun nga ang totoo dapat daw nila itong panagutan.
Nasa hospital pa ang ama nina Sen. Bong, ang dating Sen. Ramon Revilla, Sr., at ‘yun din daw ang gusto nitong mangyari.
Hindi raw nila puwedeng pagtakpan, dahil ka-patid din nila ang biktima rito. Pero sana siguraduhin lang daw ng mga pulis ang kanilang im-bestigasyon na tama ito.
Ang gusto nga ni Bong, magkaroon ng panibagong imbestigasyon para matiyak lang daw kung sino ang dapat kasuhan.
Ang isa pang nakakalungkot dito, nakakaintriga pa ang huling interview ni Genelyn sa TV Patrol na sinabi nitong may sama siya ng loob sa ibang kapatid ni Ram dahil hindi raw sila natutulungan. Obvious namang si Bong ang tinutukoy nito.
Unfair naman ito kay Bong dahil ano pa bang tulong ang gusto niya? Lahat ginawa na ni Bong at mga kapatid niya para maimbestigahan agad at mabigyan ng hustisya ang pagpatay kay Ramgen.
Ano naman ang magagawa nina Bong kung ‘yun ang lumabas na im-bestigasyon? Hindi naman nila ito puwedeng pagtakpan.
Sa totoo lang, si Bong ang pinakaapektado dito dahil siya ay kilala rito at may katungkulan pa kaya hindi na nga niya alam kung ano ang gagawin niya.
Malalaman naman ng mga tao kung sino ang nagsasabi ng totoo, kaya huwag na sa-nang palalain pa ang gulo dahil sobrang masa-limuot na nga itong kuwento sa pagpatay kay Ram.
Sana isipin na rin nila si Mang Ramon na mahina na nga, nakakatanggap pa siya ng mga ganitong balita. Sana manaig na lang talaga ang katotohanan.
DAGDAG PANG KALUNGKUTAN itong pagkamatay ni Direk Boots Plata. Laging present ang mag-asawang Direk Boots at Dolor Guevarra sa mga gatherings sa showbiz, at si Direk Boots ang masipag na nagkukuha ng mga litrato. Kaya nakaka-miss din siya talaga.
Nu’ng kamakalawa ng tanghali siya namatay at kinagabihan ay pina-cremate na ito pagkatapos ng misa. Ang bilin kasi si Direk Butse, na ipamudmod sa Pasig River ang mga abo nito at magkaroon na lang daw ng party.
Sinimulan na ang 9-day Novena para sa kanyang kaluluwa na ginaganap sa Vera-Perez Gardens.
Mga Mata ni Lolita
by Lolit Solis
