KUMPIRMADONG BREAK na sina Iwa Moto at Leandro Muñoz, at ang mismong Starstruck batch 3 avenger na si Iwa ang nagkuwento sa amin ng malungkot na balita.
Tsika nga ni Iwa, hindi raw sana sila maghihiwalay kung sinunod nito ang gustong mangyari ni Leandro na iwan na ang kanyang showbiz career at sumama na lang sa Amerika. Ang kaso ay tumanggi raw si Iwa dahil kailangan niyang magtrabaho, ‘di lang para sa kanyang sarili, kundi maging sa kanyang pamilya, lalo na’t bread winner siya.
Dagdag ni Iwa, hindi nga naman niya basta-basta na lang iiwan ang kanyang trabaho at pamilya para lang mangibang bansa nang dahil sa pag ibig. Iniisip rin daw nito ang kanyang pamilya kaya naman daw nag-desisyon itong maiwan na lang sa Pilipinas na naging dahilan ng hiwalayan.
Kaya naman payo ng mga kaibigan nito na tumigil muna sa pakikipagrelasyon, dahil mukhang malas yata sa pag-ibig ang magaling pa namang batang aktres, mag-focus muna raw muna ito sa kanyang career at umiwas munang ma-in love dahil baka masaktan na namang muli at iwan sa bandang huli.
NAGBUBUNYI ANG buong lahi ng mga Pilipino at Mexicano sa pagpasok sa finale ng Fil-Mexican singer na si Jessica Sanchez sa American Idol Season 11, kung saan makaka-face-off nito sa kantahan si Phillip Phillips.
Marami pa nga ang kinaba-han na baka maligwak si Jessica at ‘di makapasok sa Top 2, dahil sa ‘di masyadong kagandahang performance nito, dahil na rin sa hindi maganda ang timpla ng kanyang boses dahil may dina-damdam na sakit.
Kaya naman nang maglabas ng partial result na botohan ay nasa bottom 3 si Jessica sa ‘Dial Idol’ na ikinabahala ng mga Pinoy at Mexicano, kaya naman nag-double effort ang mga ito para iboto at manatili sa AI si Jessica at pumasok sa Top 2 na nangyari naman.
Ilan sa mga nanawagan na iboto si Jessica para pumasok sa Top 2 ay sina President P-Noy, Vice President Binay, Thalia na nag-post sa kanyang twitter ng “Incredible Mexicante Filipina! Great!.” Ogie Alcasid, Karylle, Ryza Cenon, Thia Megia atbp.
At sa pagpasok ni Jessica sa Top 2 ay triple effort naman ang gagawin ng mga Pinoy lalung-lalo na sa Hawaii, kung saan malaki ang botong nakuha ni Jessica at ng mga Mexicano para mapagwagian ni Jessica ang season 11 ng American Idol.
MISMONG ANG magandang aktres ng Broken Vow at Luna Blanca lead star na si Bianca King ang may idea at nagpapayo kay Dennis Trillo na bumalik sa pag-aaral. Payo nga ni Bianca kay Dennis na kumuha ng special course sa photography, dahil na rin sa mahusay kumuha ng litrato si Dennis.
Ito’y base na rin kasi sa experience ni Bianca na nagtapos ng kanyang pag-aral at kumuha ng kursong filmmaking sa College of St. Benilde at ngayon ay pinaghahandaan naman niya ang formal education sa kursong cinematography sa Los Angeles, California next year.
DINUDUMOG NGAYON ang Klub Makisig sa bago nitong address, sa Roosevelt corner Quezon Avenue (beside Mercury Drug, Pantranco area), paano nga ay mas maluwang na ang lugar at cozy, maaliwalas at malamig, bukod pa roon ay ang guguwapo at makikisig ang mga macho dancer na mga artistahin ang dating na handang tighawin ang init ng inyong magdamag.
Go na, mga kafatid at tuklasin kung bakit ito dinarayo ng mga bading, kababaihan at pati ng mga tunay na lalaki. Siya nga pala, bukas ang Klub Makisig sa pagtanggap ng mga aplikanteng gustong maging macho dancer, kung sa palagay ninyo ay guwapo at makisig kayo, contact 09089528891 or 09468847947.
John’s Point
by John Fontanilla
