Umalis last Monday evening sina James Reid at Nadine Lustre patungong Greece, kung saan doon nila ite-tape ang mga importanteng eksena ng bago nilang romcom para sa Dreamscape Entertainment para sa Kapamilya Network na “Till I Met You”.
Sa Facebook ng Dreamscape Entertainment bossing na si Deo Edrinal, nag-post siya ng photos na kuha during the recording of the theme song of their teleserye na ang dalawa mismo ang nag-record ng sarili nilang version.
Dahil sa kanilang bagong romcom serye ay na set-aside muna ang local shows nila at na-reschedule muna ang nakatakdang concerts nila sa key cities sa Pilipinas at tatapusim muna nina JaDine ang kanilang commitments.
Ang fans nila sa Cebu, atat na atat na naghihintay sa dalawa at ang schedule nila na mag-show sa Queen City of the South ay napurnada.
Bukod kasi sa bagong romcom serye nila sa ABS-CBN, may gagawin na bagong pelikula ang dalawa para sa Viva Films.
Kaya ang almost two months vacation ng dalawa na nagtapos recently, sa pagbabalik-trabaho ng dalawa ay sagad-sagaran na trabaho naman ang haharapin nila.
Pero as real partners on screen and off-screen, pareho naman nilang ini-enjoy lalo pa’t lagi silang magkasama.
Lalo silang mai-in love sa isa’t isa nito.
Reyted K
By RK VillaCorta
