MULING NAGPAKITANG-GILAS ANG ‘di matinag-tinag na pambato sa Karate ng SM Megamall team na si Jamie Christine Lim nang sungkitin nito ang dalawang gold mula sa Advance Kata (14-15 Years Old Girls) at sa Advance Kumite (14-15 Years Old Girls +47 kg.) sa katatapos na 2011 SAKS Philippine Invitational Karate Championship na ginanap sa Sunshine Mall Plaza, FTI, Taguig City noong Sabado, Setyembre 17. Si Jamie ay anak nina ex-PBA superstar Samboy Lim at Pag-IBIG Fund CEO Atty. Darlene Berberabe-Lim.
Bukod kay Jamie, nakakuha rin ng mga medalya ang teammates niya sa SM Megamall na sina Renzel Asistido (8-9Years Old Girls – Silver) sa Intermediate Kata; at Ronaldene Aletheia Flores (10-11 Years Old Girls – Bronze) sa Advance Kata. Samantalang sa Advance Kumite, nakuha rin ng mga gold medal sina Renzel Asistido (8-9 Years Old Girls); Ronaldene Aletheia Flores (10-11 Years Old Girls); at Giselle Sigua (12-13 Years Old Girls).
Tumatayong coach naman ng grupo nina Jamie sa SM Megamall sina Coach Rex Ressurreccion at Coach Sonny Montalvo, gayundin sina former PKF head and AAK Shihan Pocholo Veguillas at AAK Team head at Asian Games champion Richard Lim.
Ang SM Megamall team ay miyembro ng Association for the Advancement of Karatedo (AAK), kasama ang La Salle Green Hills, St. Paul’s College – Pasig, Xavier School at Ateneo de Manila University. Sa kabuuan, humakot ng 20 medalya ang AAK sa nasabing torneo na may 7 gold, 8 silver at 5 bronze.
Kabilang sa mga nakakuha ng medalya sina Justine Ann Agbanlog – La Salle Green Hills (14-15 Years Old Girls – Bronze) – Intermediate Kata; Adam Bondoc – Xavier School (10-11 Years Old Boys – Bronze), Jordan Craig Guevara – La Salle Green Hills (12-13 Years Old Boys – Silver), Alwyn Batican – La Salle Green Hills (14-15 Years Old Boys – Silver), Rihana Oba – St. Paul’s College Pasig (12-13 Years Old Girls – Silver) para sa Advance Kata.
Samantalang sa Advance Kumite, panalo rin sina Jose Raphael Habalo – Xavier School (10-11 Years Old Boys – Silver), Jordan Craig Guevara – La Salle Green Hills (12-13 Years Old Boys – Silver), Alwyn Batican – La Salle Green Hills (14-15 Years Old Boys – Gold), Alenn Gabriel Castro – La Salle Green Hills (14-15 Years Old Boys – Silver), Jorge Eustaquio – Ateneo de Manila University (16-17 Years Old Boys – Silver), Robert Tamayo – Ateneo de Manila University (16-17 Years Old Boys – Bronze), Rihana Oba – St. Paul’s College-Pasig (12-13 Years Old Girls – Bronze), at Justine Ann Agbanlog – La Salle Green Hills (14-15 Years Old Girls -47 kg. – Gold)
SPORTS PARAZZI
By Parazzi Reportorial Team
