MASUWERTE TA-YONG NAPAGBIGYAN ng isang house tour para sa Juicy Express ng TV5 ni Jamilla Obispo, ang dating PBB housemate na tinagurian noong young mom ng Laguna. At age 17, isa nang proud mommy noon si Jam, dahil nabuntis siya ng kanyang first boyfriend na ayon pa sa kanya ay sobra niyang minahal.
Seven years old na si Miggy, ang bunga ng kanilang pagmamahalan ng kanyang boyfriend at ayon pa sa dating housemate, masaya siyang nagkaroon siya ng mabait na anak. Nag-aaral na ito sa OB Montessori at siya lang mag-isa ang nagtataguyod sa anak. Hindi raw siya humingi ng sustento sa da-ting boyfriend na kamakailan lamang ay ikinasal na raw, dahil nangako siyang itataguyod niya ang kinabukasan ng anak na hindi nakasandal sa tulong ng ama.
Una naming tinungo ang bahay na kinalakihan niya sa Laguna, maganda ito at makulay na produkto raw ng pagkayod ng kanyang ina nang ilang taon bilang chef sa London. Sunod naman niya kaming ipinasyal sa kanyang townhouse sa BF Homes sa Parañaque at ipinakita niya sa amin ang eleganteng pagkakaayos ng kanyang tinutuluyang townhouse na ayon pa sa kanya ay siya mismo ang nag-design. May mini-garden sa likod ang townhouse dahil mahilig daw talaga siya sa halaman.
Dalawa ang ginagamit na sasakyan ni Jam at inamin niyang hulugan ang mga ito. Isa na rito ang kanyang BMW, nakita namin mismo sa kanyang garahe. Kaya naman marami ang nagtatanong kung bakit living-in-style pa rin daw siya eh, hindi naman siya gaanong active sa showbiz. May mga nag-iisip ding may sugar daddy raw siya na sumusuporta sa kanya.
Paliwanag ni Jam, “Marami na akong naririnig na ganyang tsismis. Pero deadma na ako sa mga ganyan, kakatapos ko lang mag-Mara Clara, tapos ngayon may Banana Split ako, nagti-taping na rin ako para sa Nasaan Ka, Elisa? ang bagong teleserye nang ABS-CBN, ‘pag weekend naman puro out-of-town shows ako, kaya kahit papa’no, kumikita ako.” Paliwanag pa niya, kahit daw barya-barya lang ay hindi siya choosy sa mga out-of-town shows kasi raw ‘pag naiipon na ‘yun, malaki-laking halaga na rin daw. Sana raw huwag na lang siyang intrigahin.
Dagdag pang tsika ni Jamilla, ibebenta na raw niya ang kanyang BMW dahil hindi na niya ito kayang bayaran pa sa bangko, may nakakausap na daw siyang mga potential buyers para kung magkaayos, sa kanila na niya ipatuloy ang paghulog sa bangko.
‘Yan, malinaw na, sana hindi na natin pa pag-isipan ng kung anu-ano si Jamilla. ‘Yun na!
MAY KUMALAT NA balitang buntis na diumano si Tuesday Vargas, pero maselan diumano ang mga unang linggo nito kaya hindi muna nila ipinaalam sa publiko.
Pero noong Miyerkules, nagpadala nang statement si Tuesday sa Juicy Express tungkol sa kanyang kalagayan. Narito ang kanyang mensahe sa text in full, “I have been quietly celebrating my pregnancy with friends and family for a few weeks and decided not to tell anyone because my condition was delicate. I had a subchorionic hemorrhage that progressed into not so favorable conditions resulting in my miscarriage.
“We just found out recently that our baby doesn’t have a heartbeat anymore and the doctor said there was nothing we could have done to prevent it because it’s a chromosomal abnormality and that it normally happens when conditions are not favorable early in pregnancy. Me and my husband Coy are deeply saddened by this tragic loss but were assured by our doctor that we could always try again.
“I am now under medication and taking things slowly so I could recover from this mishap both physically and emotionally. I thank all my friends and co-workers for their support as my family go through this difficult time in our lives.”
Sana, sa susunod ay maging maayos na ang pagbubuntis ni Tuesday na matagal na rin nilang inaantay ni Coy.
Follow me on Twitter, @arnielcserato; e-mail your blind items and hottest showbiz scoops sa [email protected].
Sure na ‘to
By Arniel Serato
