MAILAP PA RIN si Janice de Belen kapag tungkol sa lovelife ang pag-uusapan.
Nang humarap nito sa press kamakailan lang para sa promo ng pelikula niyang The Last Viewing, sinagot ni Janice ang tungkol sa mga anak niya lalo na kay Luigi na anak niya kay Aga Muhlach.
Wala na nga raw ito sa poder niya, at hinahayaan daw niyang mamuhay nang mag-isa dahil nasa tamang edad na rin naman ito.
Hindi nga niya alam kung totoo ang balitang may ka-live in ito ngayon. Basta pumupunta naman daw sa bahay niya minsan at nakikita naman daw niyang okay ito. “I told him (Luigi) to go on his own because I think since maaga nga ako nagkaroon ng responsibilidad, dapat sila rin matuto din ng responsibilidad. Kasi hindi mo lang pala natuturo lang o dapat may responsibilidad ka. You really need to let them feel that you have to take responsibility,” pahayag ni Janice.
Hindi naman daw mahirap kausap si Aga pagdating sa kanilang anak at agree itong dapat na bigyan na ng kalayaan si Luigi.
Pagdating sa mga dating nakarelasyon ni Janice, kay John Estrada lang ito hindi pa ganu’n ka-okay ang mga sagot niya.
Nag-uusap lang daw sila ni John pagdating sa kanilang anak, pero bukod pa du’n, wala na.
Since bumalik na siya sa paggawa ng pelikula, posibleng makatrabaho nito si Aga o kahit si Gabby Concepcion at okay lang daw ito sa kanya. Pero pagdating kay John, mabilis na umiiling si Janice. “Diyos ko! Bakit kailangan kaming magkatrabaho? Kasi, para magkatrabaho kayo, you need to have a good relationship with the people you are working or at least you have some kind of relationship with the people you’re working with,“ sagot nito.
Pagdating sa lovelife, deretsahan ang sagot na ayaw niya itong pag-usapan. Wala siyang komento sa dating napabalitang lalaking muntik na nitong pakasalan. “I am alone but I am happy. I’m always in love. Hindi ko kailangan ng lalake para maging in love,” sagot nitong halata namang ayaw na niyang pag-usapan.
Bukod sa mga regular shows niya, nadagdagan pa ng panibagong trabaho si Janice dahil kasali rin siya sa Darna ni Marian Rivera.
Tinatapos pa niya ang pag-aaral ng culinary arts, kaya obvious namang wala siyang panahong makipagrelasyon.
Sa ngayon ay pinagkakaabalahan din ng actress/TV host ang pelikula niyang The Last Viewing na magsu-showing na sa August 5 at meron itong premiere night sa July 28 sa SM Megamall Cinema 6.
Siyempre, hindi invited si John Estrada!
TAHIMIK LANG SI Jolo Revilla sa muling panggugulo ni Rosanna Roces dahil sa anak nitong si Gab o si Budoy.
Ayaw nang palakihin ito ni Jolo dahil anak daw niya ang involved at iniiwasan na niyang madamay pa ito sa intriga.
Ang pagkakaalam ko, walang problema sina Jolo at Grace na magulang ni Gab kaya hindi na lang nito pinapansin ang pangugulo ni Rosanna dahil lola lang naman siya.
Masayang ikinukuwento ni Jolo na maganda ngayon ang kalagayan ng kalusugan ng kanyang anak at masipag daw itong mag-aral kaya siguro sa halip na magtatalak si Rosanna, dapat na matuwa na lang ito sa magandang kalagayan ng kanyang apo.
By Gorgy’s Park
