BLIND ITEM: LUMAMON ng panlalalit ang isang actor star politician sa ilang mga kapatid sa panulat nang minsang nagpatawag siya ng malaking press conference.
Hindi kami kasama sa event na ‘yon kaya ito ang istoryang nakarating sa amin after the press conference.
“Grabe. We felt so degraded lalo na nang nagpa-raffle siya ng plantsa, rice cooker, maliit na coffee maker at kung anu-ano pang mga maliliit na bagay. Feeling kasi namin, mga grade schooler kami dahil sa pina-raffle niya,” simulang panlalait ng kausap namin.
“Pero hindi ‘yon ang worst, e. Kasi, after niyang magpa-raffle ng ilang mga prizes, bigla siyang nag-decide na magbigay ng ilang tigwa-wan thou sa mga hindi nanalo. Hindi lahat, nabigyan ng kanyang wan thou pero ang nakaloloka, pinabayaan niyang magkagulo ang mga kapatid na parang palengke. Tapos, parang masaya siya sa nangyayaring pagkakagulo.
“Parang ine-enjoy niya ‘yon. Marami rin ang umuwing luhaan na hindi nakakuha ng pinamigay niyang wan thou dahil limitado rin pala. Pero sana naman, ‘wag na niyang ipagyabang sa presscon na marami siyang nagawang bills dahil kapag nakikita namin sa TV ang kanilang session sa senate, lagi siyang nakaupo.
“Tapos sasabihin pa niya na kaya siya hindi gumagawa ng pelikula, dahil ayaw niyang makatapat ang movie ng isa pang actor-politician. Isang malaking echos ‘yon dahil ang totoo, sobrang nilalangaw ang kanyang pelikula.
“Totoo ‘yon. Kahit na itanong n’yo pa sa kabayong lagi niyang kasama,” sabi pa sa amin ng isang kapatid sa panulat na nagbigay pa ng clue.
Kung kami naman ang tatanungin, ke maliit o malaking appliances ang ibigay, tanggapin natin dahil kusang-loob ‘yon na ibinigay pero at the end, maging matalino na lang tayo sa pagde-decide kung sino ang iboboto kasi alam naman natin kung sino talaga ang nagtatrabaho at ‘yung dumi-display lang, hendehvah, mga Kabalen?
IDENTIFIED ANG SEXY celebrity comedian na si Janna Dominguez sa ABS-CBN dahil siya ang pumangalawa sa nanalo sa Pinoy Fear Factor. Pero may nakarating sa aming tsika na bukod sa pagge-guest sa Cool Center ay nag-apply rin siya bilang co-host sa Eat… Bulaga!
Bukod du’n, nagte-taping na rin daw si Janna sa isang sitcom sa GMA-7 kasama si Michael V at si Anjo. Kaya siguro naman, e, puwede na nating sabihing wala na siya sa Dos.
Kung mapapansin natin, laging kasama si Anjo sa tatlong programang nabanggit kaya kung magwa-wan plas wan tayo, puwede nating isipin na may kinalaman ang actor-politician sa pagpasok ni Janna sa Siyete.
At kung meron mang kinalaman si Anjo, sana nga, wan hundred percent pure na pagtulong kay Janna ang kanyang ginagawa at walang halong churva. Kasi, meron pa ngang nali-link na EB Babes Stephanie sa kanya, e.
Hindi naman siguro gusto ni Anjo na uminit ang ulo ni Jackie Manzano sa kanya, ‘di ba?
GUSTO LANG NAMING bigyan ng credit ang mga taong nasa likod ng child star na si Julian Trono. Why?
Dahil wala pa siyang isang taon sa industriya pero bukod sa naging regular siya sa dalawang seasons ng Daisy Siete, e, meron pa siyang hosting job ngayon sa Tropang Pootchie sa QTV11 at kasama rin siya sa Sunday show na Zooperstar.
Bukod du’n, natalbugan din niya ang 800 na batang nag-audition, na ‘yung iba, e, may mga pangalan na, para masungkit ang napakagandang role na isa sa tatlong bata sa Panday Kids.
Lucky nga si Julian at unti-unti na rin siyang nakikilala at nagkakapangalan. Kaya lang, true ba ang nabalitaan naming at his age na 12, e, may nagpaparamdam nang mga bading sa kanya?
Siguro naman, pakikitunguhan niya ng maganda ang mga ito pero never naman niyang papatulan or else, magagalit sa kanya si Mother Joy.
For reaction, please e-mail [email protected]
Sour-MINT
by Joey Sarmiento
