ALAM N’YO BA na maliliit pala ang mga kamay ni Billy Crawford? Hindi naman halata, kasi, mukha naman ang kitang-kita sa TV, hindi ang mga kamay. Pero hindi naman ito naging insecurity ni Billy.
Dahil katuwiran nga ng young singer-TV host, “Maliliit nga mga kamay ko, pero ‘yung ___ ko, malaki. Hindi nga sila nagko-compliment, eh!”
Fill in the blank na lang kayo, ha?
ACTUALLY, MERON KAMING isang babaeng nakausap na pinatotohanan ang sinabi ni Billy. “Ay, kuya, malaki talaga!”
Kung sino ang nagsabi nito? Malalaman n’yo sa pagbabalik ng… The Buzz!
MUNTIK NANG MASAGASAAN si Piolo Pascual habang siya’y nagdya-jogging! Juice ko, nakakalokah, ‘no? Nagdya-jogging ka para lumakas pa lalo ang katawan mo at manatili kang malusog, tapos, mahahagip ka lang ng rumaragasang sasakyan?
Ang ending, namatay kang malusog.
Gusto n’yo ba ‘yon?
Mabuti na lang, si Papa P, endorser siya ng Sunlife Canada kung saan nakaseguro ang kanyang buhay para sa kanyang maiiwang pamilya.
Oy, baka maniwala kayong muntik masagasaan si Papa P, ha? ‘Yun kasi ‘yung message ng TV commercial niya. Hehehe.
PAGANDA NANG PAGANDA, patindi nang patindi ang mga eksena sa Magkaribal. Ito ang klase ng teleserye na kahit nag-i-Inglesan ang mga characters ay intinding-intindi ng mga manonod, lalo na ng masa.
At ang nakakalokah pa, ilang artista ng GMA-7 ang nakakausap namin na ayaw magpa-quote, pero umamin sa aming sinusubaybayan ang teleseryeng ito nina Bea Alonzo at Gretchen Barretto.
Me gano’ng factor?
Matatapos na ang Diva, di ba? So, ito bang si Jaya ay puwede nang mag-guest sa ABS-CBN? Noon pa ay pinanonood na ni Jaya ang Showtime, at sa totoo lang, gustong maging guest judge ni Jaya, dahil sobrang favorite niya si Vice Ganda.
Ang tanong ni Jaya, “’Yan ay kung papayagan ako ng GMA-7?!”
‘Wag n’yong kalilimutang makinig palagi sa “Wow! Ang Showbiiiz!” sa dwiz 882 sa inyong AM station sa radyo at maririnig din sa www.dwiz882.com, 11-12nn. siyempre, kasama namin diyan sina Ms. F., Fwend Rommel at Daddy Eric Borromeo.
‘Yan ay kung type n’yo lang namang maaliw.
Oh My G!
by Ogie Diaz
