BLIND ITEM: BAGO mag-eleksiyon, pinagdasal ng TV host sa Baclaran at Quiapo Church na ‘wag sanang magwagi ang kumandidatong actor/ politician sa isang siyudad sa Metro Manila.
Kaya lang, hindi ‘yata dininig ng nasa Itaas ang panalangin ni TV host dahil overwhelmingly ay nagwagi si actor/politician na matagal na niyang nakatampuhan.
Ngayon naman, medyo bumibigay na raw ang TV host at nagpapahanap daw ng padrino para makipag-meeting sa nagwaging actor-politician.
Ang dahilan? May malaking project daw kasi ang TV host sa naturang siyudad na siguradong magpapabango sa kanyang pangalan sa history ng entertainment industry kaya ngayon, kahit kainin na lang ng sikat na TV host ang kanyang pride ay gagawin niya para lang matupad ang kanyang matagal nang dream para sa industriya.
Ewan lang namin kung pagbibigyan siya ng nagwaging actor/politician kung sakali pero alam naman natin na sa showbiz, walang permanenteng kaibigan o kaaway kundi permanenteng interes lamang.
Naku, hindi na siguro kailangan ng clue dahil baka makatulog lang kayo kung mag-e-effort pa kayo sa pag-iisip… getz?
EWAN KUNG TRUE pero isang production staff sa Araneta ang nagsabi sa amin na medyo napikon daw si Jaya kay Vice Ganda sa kanyang mga biro on-stage sa nakaraang successful concert ng stand-up comedian.
Isa kami sa nasa front row that night at heto ang mga napansin naming jokes ni Vice kay Jaya.
Sabi ni Vice, black is beautiful but too much black is charcoal. Sabi pa ni Vice, sobrang ganda raw ng boses ni Jaya na parang nananakot lang. Tungkol naman sa kagandahan, hindi na raw babanggitin pa ni Vice ang obvious kaya ayaw niyang magsalita tungkol sa outer beauty ni Jaya na parang sinasabi niyang hindi ito pretty.
May huling hirit pa si Vice nang niyakap niya si Jaya at naamoy niya ang perfume nito na parang may gini-grill ang amoy.
Sabi ng nakatsikahan naming staff, nakarinig daw siya ng one-liner kay Jaya sa dressing room against Vice dahil sa mga birong ‘yon. Pero kung kami ang tatanungin, sana, e, ‘wag niya ‘yong seryosohin .
Stand-up comedian si Vice at sana, e, in-expect na niya ang ganu’ng mga hirit nang sumabay siya sa stage sa naturang komedyante dahil isa ‘yon sa mga nagustuhan ng audience sa kanya. Kaya kung totoong napikon at nag-one liner ang Soul Diva, e, konsensiya na lang niya ‘yon… he,he,he!!!
HETO, HUH! Just asking lang naman. Kilala kasi ngayon ang Kapatid TV5 na nagbibigay ng times 3 na talent fee sa mga artistang kinukuha nila galing sa GMA-7 and Channel 2.
Ngayon, malakas ang tsika na sa Singko babagsak si Willie Revillame at ang lumalabas din na kuwento, e, tumataginting na P25-M a month ang kanyang kinikita sa Dos via Wowowee.
Kung titingnan natin ang trend sa TV5 at kung mako-confirm na lilipat si Papi sa Kapatid Network, ibig bang sabihin nu’n, e, puwede siyang kumita ng P75-M a month? Wowowee naman talaga ang TF na ‘yon kung sakali, huh!
At kung ganu’n nga ang mangyayari, aba, e, balewala nga talaga kay Papi kahit iwanan niya ang Dos dahil tuloy pa rin ang kanyang maliligayang araw kapag nagkataon. Aba, hindi biro ang kumita ng P75-M a month, huh!
Kung sakali, balato naman diyan, Papi!
For reactions, please e-mail [email protected]
Sour-MINT
by Joey Sarmiento
