SUPER EXCITED NGAYON si Jericho Rosales sa first album niya under Star Records. End of July or first week of August iri-release ang album ng singer/actor.
“Minimum of three Tagalog songs, bale initial project namin ito together. It’s a guitar-driven album , it’s all me. Lahat acoustics, focused on guitar pero iba’t ibang guitars ng mga kaibigan ko. I’ve been working with different arrangers na pulos beterano. For the album, maraming mangyayari. Before the album, may show kami sa Davao for Western Union. It’s focused on the talent of Filipinos , ‘yung mga nanggaling sa contest tulad ko, like Cristina Bautista, Yeng Constantino, kasama ko sila sa concert na ito on June 20, then sa Aliw Theater on July 4.”
Ayon kay Echo, first love niya ang singing. “Yeah! Everytime we go to studio sobrang enjoy ako. I don’t mine staying sa studio nang buong araw. Start recording after lunch, ganyan. Stay kami du’n after dinner hanggang gabi. Babaran kami sa mga ideas namin. I really enjoy staying sa studio to record music. Now, tapos na. Nag-invest naman ako ng time sa music, then I stop. Ang sarap ng feeling na ngayon medyo balanse na ‘yung music at acting, ‘di ba? Medyo sabay na sila, ‘yun nga lang medyo matakaw sa oras, okey lang nag-i-enjoy naman ako.”
Your relationship with Kristine Hermosa? “Nagte-taping kami ng bagong soap ni Kristine. Nagkukulitan kami palagi, medyo bitin pa nga eh, hindi pa kami masyadong maraming eksena together. Masarap kasama si Ms. Lorna Tolentino and Gabby Concepcion sa soap naming Dahil May Isang Ikaw. Rock en roll kami ‘pag nasa set. Si Kristine, madalas kaming magbasagan (kulitan). I hope ganoon pa rin ‘yung suporta sa amin ni Kristine ng mga fans, kinikilig pa rin.”
Maugong ang mga bali-balitang nagkabalikan na raw kayo ni Heart Evangelista? “Hindi naman. Open ‘yung commnunications namin. Nagkakausap naman kami. Siyempre, naputol ‘yung communications namin dati dahil ang daming nangyari. Now, we can talk peacefully, malaking-maki ‘yung chance na maging magkaibigan kami. One time nagkita kami, nararamdaman ko ‘yung mga tao, nakatingin sa amin, okey lang. Wala naman kaming ginagawang masama, hindi naman masamang makipag-usap ka sa kaibigan. Technically, she’s my bestfriend. The time we’ve been together, she knows everything. Sa lahat ng tao, she’s one of the few people na talagang nakakakilala sa akin nang husto. I don’t think there is anything wrong na mag-usap kami. Minsan diyahe, alam mo ‘yun. Mabuti at nakakapag-usap na kami ngayon. The best thing na kapag magkita kami, hindi kami nag-iiwasan, ‘di ba? Hindi na kami nag-aaway, ganoon.”
Marami ang nagsasabing mas boto raw ang parents ni Heart kay Echo kaysa sa past boyfriend niya? “Mahal ko naman ‘yung parents ni Heart kahit may nangyari. Kahit ano pa ‘yung nangyari, cool naman ako.”
Kumusta naman kayo Carmen Soo? Okey naman kami, continuous pa rin ‘yung communication naming dalawa. Close kami, maging ‘yung mga manager namin. May soap din kaming gagawin ni Carmen after nitong sa amin ni Kristine.”
AYAW Paawat!
by Eddie Littlefield
