WALA PA raw namumuong romantic relationship kina JM de Guzman at Jessy Mendiola, kaya ‘di raw totoo na may relasyon na sila.
Ito ang pinagdiinan ni Jessy nang makausap namin sa presscon ng movie nilang The Reunion na idinirek ni Frasco Mortiz under Star Cinema.
“We’re in speaking terms. We’re communicating, we’re connected right now, but we don’t have any shows together, we don’t have any movies together. So, I don’t see the point kung bakit ganoon, natsismis na magdyowa na kami,” say ni Jessy na super seksi sa kanyang outfit nang dumating sa Dolphy theatre ng ABS CBN.
Samantala, very vocal naman si JM na malapit sa puso niya si Jessy. Katunayan, ipinakilala na ng actor ang young actress sa kanyang magulang.
Pero hanggang doon pa lang daw ang relasyon nila as getting to know each other. If ever na manligaw na raw talaga si JM ay ‘di pa rin daw sasagutin ni Jessy dahil bata pa sila.
Itinanggi ni Jessy na pinagbawalan sila ng Star Magic na magsyota habang naka-kontrata sa Dos.
“Wala namang ganoong agreement. Ang mahalaga ay pahalagahan ang aming showbiz career para ‘di naman masayang ang pagtitiwalang ibinigay sa amin ng Kapamilya Network,” pahayag pa ni Jessy.
Pero may nagdududa pa rin sa naging pahayag ni Jessy na wala pa silang relasyon ni JM, dahil una nga ay ipinakilala na siya sa magulang ng actor at madalas daw siyang nagbababad sa pad ni JM?
“Opo, ipinakilala niya ako sa magulang niya. Noong graduation po ng kapatid niya. Sa isyung nagbababad daw ako sa pad niya. No! Hindi po totoo.”
MABIBIGO ANG mga tagahanga nina Enrique Gil at Kathryn Bernardo lalo na ‘yung umaasa na magkakatuluyan ang dalawa.
Ipinagtapat kasi ni Enrique sa presscon pa rin ng The Reunion na wala raw siyang planong totohanin ang loveteam nila ng leading lady niya sa teleseryeng Princess and I ng ABS-CBN.
Bukod sa ayaw ni Enrique na gamitin ang loveteam nila ni Kathryn para lang pakiligin ang kanilang fans, hindi rin daw nito maaasikaso ang sinumang babaeng makakarelasyon niya.
Ayon pa sa young actor, mawawalan lang daw ng saysay kung manliligaw siya ngayon. Sa dami ng project niya ay baka raw hindi na niya mapangatawanan at masaktan lang ang babaeng napupusuan. Hindi rin gusto ni Enrique na paasahin ang fans nila ni Kathryn na gusto silang magkatuluyan dahil baka ma-disappoint lang daw ang mga ito.
Pero inamin ni Enrique na nag-i-enjoy siya sa team-up nila ni Kathryn, at okey sila bilang magkaibigan. Alam din ni Enrique ang kaliwa’t kanang publicity sa team-up nina Kathryn at Daniel Padilla at hindi niya gustong makipagkumpitensiya rito.
Samantala, sayang at hindi narinig ni Enrique ang naging pahayag ni Jessy Mendiola dahil kailangan nitong umalis sa presscon para sa kanyang taping, kung saan sinabi ng dalaga na sa lahat ng male cast ng movie, siya ang gustong maging boyfriend ni Jessy dahil matagal na raw silang magkakilala.
Hindi kaya ito ang simulan ng pag-aaway nina JM de Guzman at Enrique Gil?
ANO KAYA ang reaction ng dating kasamahan at nakasabay sa showbiz ni Gladys Reyes na nakapagpundar na ito ng apat na sasakyan.
Dahil sa sipag at tiyaga sa showbiz career, unti-unting nakapag-ipon si Gladys. Magandang kalooban at hindi nakalilimot sa mga taong tumulong sa kanya kaya ito pinagpala ngayon.
Ngayon, may sariling kotse na si Gladys at hindi lang isa kundi apat na ngayon ang kanyang sasakyan.
May instance daw kasi nang makisakay siya ay pinababa siya sa isang liblib na lugar, kaya mula noon ay nagpursige siya na darating ang araw ay magkakaroon din siya ng sariling kotse.
Si Gladys ang ehemplo ng isang artista na marunong lumingon sa pinanggalingan kaya naman pinagpapala siya hanggang ngayon.
Oh. C’mon!
By Gerry Ocampo
