May formal launch kay Claudine Baretto sa SOP nu’ng nakaraang Linggo at na-korner siya roon ng Startalk reporter namin para tanungin sa isyu pa rin nila ni Mark Annthony Fernandez.
Nang tinanong siya tungkol kay Mark, biglang nag-goodbye ang sagot at dedma na siya sa mga sumunod na tanong.
Kasi nagka-isyu dati na nagtampo raw itong si Claudine kay Mark dahil hindi nakasipot ang huli sa meeting nila sa Viva.
Naipaliwanag naman ito nang maayos ni Mark at ang alam ko, nagkausap pa sila at okay na ito kay Claudine pero biglang iba na naman yata ngayon ang kuwento.
Nakausap din si Raymart Santiago at sinabi naman nitong ginawan daw niya ng paraan na magkaayos ang dalawa at okay na raw.
Nang tinanong din si Mark sa story conference ng Diva ay sinabi rin nitong okay na sila ni Claudine. ‘Yun nga lang mukhang malabo pa silang magkatrabaho dahil sisimulan na nga ni Mark ang Diva na pagsasamahan naman nila ni Regine Velasquez.
Hindi raw kasi puwede si Mark magsabay-sabay ng trabaho kaya pagkatapos pa raw ng Diva bago niya gawin ang ano mang project nila.
Kaya mukhang matagalan pa bago sila magsama. May ibang project daw na gagawin ni Claudine sa GMA, pero siyempre kailangan pa niya munang magpapayat, ‘no!
Pero ang hinihintay pa talaga ay ang pagsasamahan nilang dalawa ni Mark.
BAGONG THERAPY KAYA ngayon ni Jinkee Pacquaio ang pagsa-shopping. Naloka ako sa kuwento ni Tim Yap sa Tweetbiz na magmula nang magbukas daw ang Hermes na shop sa Greenbelt 5, madalas daw ang pagpunta roon ni Jinkee para mamili ng mga bagong labas na bag.
Bongga pa naman ang presyo ng isang bag na merong umaabot ng isang milyong piso ang halaga ng bag na ‘yun.
Kuwento pa ng isang male TV host, nasalubong daw niya minsan si Jinkee na kalalabas lang ng Hermes shop, sampung bag daw ang dala-dala ng alalay nito.
Bongga ‘di ba? Talagang bonggang-bongga ang pag-shopping ng Hermes bag!
Kapag bumili ka pa naman dito kailangan may schedule o nakapila bago ka ma-accommodate. So ibig sabihin, kapag si Jinkee ang mamimili, hindi na kailangan magpa-appointment dahil sampu-sampu agad ang bitbit pauwi.
Palagay ko dito na lang sa pagsi-shopping inilalabas ni Jinkee ang mga hinanakit niya o isyu sa kanila ni Manny.
Idaan na lang sa shopping ang lahat para wala nang gulo, ‘di ba?
Ano kaya ang reaksiyon nito sa mga sinabi ni Suzette Ranillo na huwag naman daw husgahan agad si Krista dahil hindi naman daw ito bad person?
I’m sure may sagot diyan si Jinkee!
Mga Mata ni Lolita
by Lolit Solis
