ANG TARAY NG Bandila, nananawagan sila sa mga taong me magagandang alaala ke President Cory Aquino na kung meron silang kuwento with pictures ay ipi-feature nila sa kanilang news program.
Ibig lamang sabihin, hindi pa kasamang naililibing ang mga alaala ng namayapang pangulo. At isa na rin sigurong paraan ito para sa isinusulong na bill na gawing National Hero ang mommy ni Kris Aquino.
Kung kami ay isang mambabatas, sabi nga sa gay lingo, si Tita Cory, “Pasok sa banga!”
NAPASYALAN NA NAMIN sa GenSan, pero nu’ng makita namin si Jinkee Pacquiao sa launching ng Belo Diet Injections ay tumingkad pang lalo ang kanyang byuti.
Si Jinkee ang latest endorser ng Belo Medical Group kung saan nasubukan na niyang magpa-lipo and after giving birth sa apat na anak nila ni Manny Pacquiao ay sumailalim na siya sa non-surgical treatment na ito ni Dra. Victoria Belo.
Bongga, ‘no! Sa mga nagpa-lipo para hindi na sila tumaba ay magpa-inject lang sila ng Belo Diet, hindi na sila tataba? Ang taray.
Actually, artistang-artista na nga ang dating ni Jinkee, kaya hindi malayong sumunod na rin siya sa mga yapak ni Mommy Dionesia.
Hindi na rin kami magtataka kung ilulunsad muli ang botox at kuning endorser ang nanay ni Pacman. Binibiro nga si Mommy Dionesia sa text na ang daming “abs” sa mukha.
Hmph! Puwes, humanda kayo pag na-botox ng Belo si Mommy Dionesia!
ABA, ANG LOLA Aiko Melendez n’yo, ayaw paawat. Kunsabagay, ang Quezon City naman ay may history na artista o kilalang personalidad ang nagba-Vice Mayor. Nandiyan si Connie Angeles at ang nakaupo ngayon ay si Herbert Bautista.
Sabi namin kay Aiko, ang dami na nilang tatakbong Vice Mayor. Nandiyan sina Babes Malaya, Dante De Guzman, pati ang anak ni Mayor Sonny Belmonte na si Joy Belmonte.
“It’s for the people to judge naman, eh.” Say ni Aiko.
NAPAG-UUSAPAN NA NINA Krisitine Hermosa at Jericho Rosales ang kanilang nakaraan sa harap ng maraming press. Mas tinitingnan namin ito na naka-move on na sila kesa ipino-promote lang nila ng Dahil May Isang Ikaw na bago nilang teleserye.
Sabi nga ng isang eksperto sa pag-ibig na kakilala ng dalawa, “Baka nga magkatsugihan pa uli ‘yan for old time’s sake, eh!”
Me gano’n?
‘Wag n’yong kalilimutang makinig palagi sa “Wow! Ang Showbiiiz!” sa dwiz 882 sa inyong AM station at maririnig din sa www.dwiz882.com, 11-12nn.
Oh My G!
by Ogie Diaz
