AMINADO SI Jiro Manio na nahirapan siyang maka-penetrate ulit sa showbiz. Sa live guesting ni Jiro sa Ang Latest Uplate: Holy Week Special last Monday, March 25, kinuwento niyang parang ambon lang ang raket niya sa ngayon, paunti-unti.
“Simula nang lumabas ako (ng rehab), wala pa talaga akong shows (na regular), guestings lang muna, tapos kaunting mga raket sa TV.”
Lagpas isang taon ding na-rehab si Jiro na ayon pa sa kanya, “I think one year ako sa rehab para makag-reflect, natutong magdasal and nakapagpahinga rin.”
May baby na siya na mag-aapat na taon na sa ngayon kaya raw gusto na ni Jiro na magkaroon ng regular show para pantustos sa bata. Sana muling mapansin si Jiro ng mga producer dahil alam naman nating magaling ang bata. Pak!
KAHIT LIMA na ang anak ni Katherine Luna, feeling niya, ang ganda-ganda niya ngayon dahil may bagong nagpapatibok ng kanyang puso – ang Fil-Italian na si Alessandro Lezio, isang chef sa isang restaurant sa Zamboanga.
Sa guesting nito sa Ang Latest ng TV5, sinabi niyang kumpleto na ang kanyang buhay dahil handa raw siyang pakasalan ng boyfriend kahit na lima na ang anak nito.
“Opo sobrang saya ng lovelife ko. Sa Zamboanga po (du’n ko siya nakilala), pumunta ako roon dahil may show. Kumain ako sa Don Vicente Restaurant. And nagkataon po na siya ‘yung chef doon, (Italian chef) tapos pumasok siya sa loob ng resto (from the kitchen) parang tinitingnan lang niya ako. Noong time na ‘yun, siya ‘yung naging waiter, lahat na nu’ng trabaho sa restaurant, siya ‘yung gumawa.”
After daw nilang makapagpalagayang-loob, pinili ni Katherine na mag-stay muna sa Zamboanga nang dalawang buwan.
“Actually after noong time na ‘yun, araw-araw na kaming nagkikita. Nag-stay ako sa Zamboanga nang two months. Sabi ko sa kanya, ‘Ano bang gusto mo sa akin, hindi na ako dalaga, alam mo ba, ilan na anak ko? Lima. Lima na ang anak ko’.”
Dini-discourage daw niya si Alessandro na lumayo sa kanya dahil binata pa nga ito at mas bata sa kanya ng ilang taon. “Kasi pinu-push ko siya (palayo), kasi siya binata siya, 26 years old, 26 pa lang siya so… and then sabi ko, ‘Wala kang futrue…’ I mean nilalayo ko talaga ‘yung sarili ko. Sabi ko sa kanya, ‘Lima na ang anak ko’. Pero sabi niya, ‘So, what? Eh, ‘di alagaan nating dalawa’.
Nag-propose na daw ito sa kanya. Kuwento pa ni Alessandro, “The moment I saw her, I know she is the one. I saw her, and she’s the type of girl that I like. Of course, when she starts to talk, how she thinks, finally she was with me and Zamboanga. It’s a surprise for me ‘cause everybody know her, and I dont’ know why, I asked her, why everybody want to take a picture with you? I thought she’s sexy and beautiful (lang kaya they want a picture with her), and everybody they know her name and tha’ts the time I’m asking myself, who is she, who is this girl? And then, after three days, she told me who she is, and I said, ‘I wanna know first who you are, and not being a celebrity.”
Gaano kaya niya kamahal si Katherine? “A lot, this will be the last, I’m still 25 and I’m young, I know it but she is the one.”
Naipakilala na raw ni Alessandro si Katherine sa kanyang pamilya. “My family likes her and that’s one of the reasons also.”
Sagot ni Katherine sa kasintahan, “Hindi ko masukat ‘yung pagmamahal na nararamdaman ko sa kanya, Te Amo.”
Mensahe naman ni Alessandro sa nobya, “I feel happy, I feel happy that she’s in my side. I feel happy when I’m staying with her.”
Handa naman raw talikuran ni Katherine ang showbiz kapag yayain na siya nitong magpakasal at manirahan sa Italy.
Bongga ka, ‘day!
Sure na ‘to
By Arniel Serato
