BAKIT kaya hindi pa rin mamatay-matay ang isyung kasal na raw talaga sina Iwa Moto at ang non-showbiz boyfriend nitong si Mickey Ablan? May mga naglabas na ng kopya ng marriage contract na kunsaan ikinasal daw sila sa Silang, Cavite.
Hinahamon ni Iwa na ilabas ang authenticated true copy ng marriage certificate dahil talagang wala raw.
Consistent siya sa pagdi-deny, at sa katunayan, hanggang ngayon ay break pa rin sila at hindi pa nakumbinse ni Mickey ang seksing aktres na makipagbalikan. Ayaw nang magsalita ni Iwa dahil ayaw na raw niyang palakihin ang isyu ng break-up nilang dalawa.
Ang latest nga, umuwi na raw si Iwa sa bahay niya sa Las Piñas. Nagli-live in ba sila dati?
Pero talagang desidido na raw si Iwa na makipaghiwalay, kaya lang, araw-araw naman itong pinupuntahan ni Mickey at sinusuyo para magkabalikan sila. Binabantayan pa raw niya ito sa taping ng Dwarfina. Tingnan na lang natin kung lalambot din ang puso ni Iwa.
Hindi pa rin nagsasalita si Iwa kung sino itong Kapamilya talent na tinutukoy niyang nanggulo sa relasyon nila ni Mickey. Pero may mga naglabasan nang si Jodi Sta. Maria daw ang tinutukoy niya.
Teka! ‘Di ba may asawa si Jodi? Natuluyan ba silang maghiwalay ni Pampi Lacson?
Naku, ha! Ang gulo na yata! Pero matigas daw na itinatanggi ito ni Jodi dahil hindi naman daw niya papatulan si Mickey. Nagkakilala raw sila, pero wala raw namagitan sa kanila at wala raw sa ugali niyang mang-agaw ng boyfriend ng iba.
Abangan na lang natin kung kailan uli magsasalita si Iwa.
Abangan n’yo bukas sa Startalk ang interview namin kina Jennylyn Mercado at Dennis Trillo na si Kris Aquino pa ang nag-interview sa isang event. Naging open ang dalawa sa kanilang relasyon at ang dami nilang rebelasyong inamin kay Kris.
Tuwang-tuwa nga raw si Kris dahil naging open daw ang dalawa sa kanya. Nagulat nga ang mga reporters dahil ang tipid-tipid sumagot ni Jennylyn, pero pagdating sa TV host-actress, naging open siya. Nahiya yatang mag-‘no comment’ kay Kris, kaya sinagot niyang lahat ng mga tanong nito.
Malapit na ang Valentine’s Day at may plano raw sina Jennylyn at Dennis kung paano nila i-celebrate ang araw na ‘yon.
Abangan n’yo na lang bukas ang kabuuan n’yan sa Startalk.
Nag-react naman ang da-ting personal assistant (PA) ni Jennylyn na si Mel Pulmano nang napanood nito ang interview ng aktres sa Startalk.
Ang sabi ni Mel, bakit daw masama pa ang loob ni Jennylyn, siya nga itong nakakulong pa rin hanggang ngayon. Kahit naabsuwelto kasi si Mel sa kasong isinampa ni Jennylyn, meron pang dalawang kasong naka-pending na isinampa naman ni Becky Aguila.
Mahaba pa ang palitan nila ng pahayag dahil itong si Becky ay may in-email din sa amin na statement na kung saan idinetalye nito ang lahat ng mga panlolokong ginawa sa kanila ni Mel.
Tingnan na lang natin kung ano ang kahihinatnan ng kasong ito. Kahit ano man ang maging resulta nito, nagdusa na rin si Mel dahil ilang taon na rin itong nakakulong.
Mga Mata ni Lolita
by Lolit Solis
