KUMPIRMADONG WALA NA ang SexBomb Girls sa Eat… Bulaga!, kung ang pagbabasehan ay ang naging pahayag ng main host ng noontime show na si Joey de Leon. Marami ang nagtaka ng hindi na napapanood ang naturang grupo sa programa. Naibalita rin dito sa Pinoy Parazzi, sa kolum ni John Fontanilla, na tinanggal na nga ang SexBomb Girls nu’ng February 14 pa.
“Ang pagkakaalam kong istorya d’yan, nagpaalam si Joy Cancio (SexBomb’s manager) kay Malou (Choa-Fagar, EB’s executive producer) na raraket daw siya. Pinayagan naman siya. Kaya lang, ang raraketan niya pala, e ‘yung katapat na show ng Eat… Bulaga! Hindi yata ‘yon nasabi ni Joy kay Malou. Kaya ‘yon,” pahayag ng TV host-comedian.
So, wala na talaga ang SexBomb sa Eat… Bulaga!, muling tanong kay Joey?
“Napapanood n’yo pa ba?” balik-tanong nito.
Speaking of ‘katapat’ na show ng Eat… Bulaga!, ang Happy Yipee Yehey!, nang hingan ng reaksyon ang TV host kung ano ang masasabi niya rito, simple at maiksi pero makahulugan ang saad ni Joey, “Meron ba? Hindi ba ‘yung Showtime pa rin? Na-move na ‘yung Showtime?”
Paliwanag pa ng ace comedian, “Kami naman (sa EB), wala na ‘yang tapat-tapat na ‘yan, e. Ilan na bang shows ang tumapat sa Eat… Bulaga!? Nandito pa rin kami. ‘Di ba? Saka ‘yung mga nandoon naman, nakasama namin ‘yung iba do’n.” Joey is probably referring to Toni Gonzaga.
Mag-‘Kapatid’ na sila ngayon ng dating kabaliktatakan niya sa noontime slot na si Willie Revillame, may posibilidad kaya na mag-guest siya sa show nito na Willing Willie?
“Bakit hindi?” agad na sagot ni Joey. “Pero sa ngayon, hindi na kakayanin ng schedule ko. Hindi na talaga maisisingit. Pero, why not?”
Ano ang masasabi niya na mas ipo-promote daw ni Willie ang Eat… Bulaga! kesa sa show ng mga kaibigan nito na sina John Estrada at Randy Santiago?
“Salamat. Alam n’yo, kami naman ni Willie, wala kaming away n’yan, e. Okey naman kami. ‘Yung mga ano namin noon, wala ‘yon. Pero salamat sa pagpo-promote niya sa Eat… Bulaga!, napanood ko ‘yon. Siguro nasabi niya ‘yon, kasi naimbyerna lang siya doon sa dalawa!” pahabol na biro pa ni Joey.
Pinabulaanan din ng TV host-comedian ang matagal nang usap-usapang lilipat na ang Eat… Bulaga! sa TV5?
“Hindi puwede ‘yon. May kontrata pa kami sa GMA-7,” aniya.
Twelve years na sa Singko si Joey de Leon. Ilang taon ding humataw sa ere ang kanyang Wow! Mali sa noon ay ABC5, na hanggang ngayon ay patuloy pa ring tinatangkilik sa new spin-off nito na Wow Meganon?! This time, kasama na ni Joey sa show si Mr. Fu. At every night na itong napapanood.
Iba talaga ang hatak ni Joey sa manonood, kaya naman patuloy siyang pinagkakatiwalaan ng TV5. This February 27, Sunday, 12 noon, ay magsisimula na ang bagong show niya sa istasyon, with Mr. Fu, Wilma Doesnt, at Rufa Mi, ang Pinoy Samurai. Isa ito sa tatlong bagong shows ng TV5 every Sunday namely Pinoy Samurai, Lucky Numbers at Fantastik.
Bore Me
by Erik Borromeo
