IDINAAN NA lang sa biro ni Tsong Joey Marquez ang komento niya tungkol sa “bagong”pag-ibig” ng ex-girlfriend niya na si Kris Aquino at Quezon City Mayor Herbert Bautista. Sagot lang niya nang tanungin siya tungkol sa relasyon ng dalawa ay “world peace.” In short, ayaw na niyang magsalita. As a true gentleman, it’s better to keep his mouth shut which is tama naman.
Sa darating na Sabado de Gloria (April 19), ipalalabas na ang latest comedy film ni Tsong with Vhong Navarro under the direction of Bb. Joyce Bernal.
Si Bossing Vic Sotto, smile lang ang sukli sa mga nagtatanong at gustong makuha ang opinion niya sa bagong tambalang KrisTek (Kris at Bistek). Si Kuya Ipe (Philip Salvador) as of prestime hindi mahagilap for comment.
SIMULA NA ang Semana Santa yesterday, Palm Sunday. Lunes Santo ngayon na kung nasa probinsiya ka, maririnig mo ang alingawngaw ng mga pabasa sa mga bawat kanto na pina-practice ang kaugalingang Pinoy na ito.
Pero sa showbiz, iba yata ang style kapag dumarating ang Holy Week. Ang karamihan, bakasyon at pagpapahinga sa shooting, taping at kaliwa’t kanang commitments at maging sa deadlines sa mga diyaryo na pinagsusulatan.
‘Yong ibang showbiz celebrities, nakaalis na papunta sa beaches o ‘di kaya’t nag-abroad.
Ang kaibigang Sylvia Sanchez kasama ang buong pamilya sa Bangkok, magho-Holy Week.
Sa katunayan, last week araw-araw ang taping niya ng Be Careful with My Heart dahil bukod sa kailangan nilang mag-advance taping, kailangan nilang magkaroon ng stock episodes dahil like sa kaso ni Aiza Seguerra na kailangang mag-leave sa taping for some shows abroad.
Si Benjamin Alves, sa Anilao in Batangas kasama ng non-showbiz friends niya mag-i-spend ng Holy Week. Nahihilig ngayon ang aktor sa scuba diving aside from being a triathlete where he runs, swim and bike. After the week long vacation, back to work si Benjamin para sa pagsisimula ng panibagong teleserye sa Kapuso Network, ang Kahati sa Langit with Glaiza de Castro and Chynna Ortaleza.
Ang kaibigang Jobert Sucaldito will celebrate his birthday (come Wednesday April 16) sa Puerto Galera in Mindoro kasama ang mga talent na sina Prima Diva Billy at Ang Bagong Kilabot ng mga Kolehiiyala na si Michael Pangilinan na may two nights show sa The Library Metrowalk in Ortigas.
Tonight Monday April 14, hear Prima Diva sing ala-Aretha Franklin or birit (or shall I say much better) na tipong Lani Misalucha in Full Circle 1. The show features Chef Anton and Ms. Elizabeth Ramsey.
The following night (Tuesday April 15) it will be Michael’s turn in Full Circle featuring The Mocha Girls, Gladys Guevarra and no less than Allan K as his special guest.
Kaya nga inggit sina Laguna Gov. ER Ejercito at Pagsanjan Mayor Maita Ejercito dahil kahit Holy Week, no time for a vacation sila ng family niya dahil sa Semana Santa activities na kailangan nilang asikasuhin like mga “Pabasa” at mga “Sinakulo” na pina-practice diligently ng mga taga-Laguna at bukod pa rito, abala si Gov. ER sa preparation ng Palarong Pambansa 2014 na gagawin sa Santa Cruz, Laguna come May 4-10.
Reyted K
By RK VillaCorta
