MARAMING FANS NINA John Lloyd Cruz at Sarah Geronimo ang dismayado dahil hindi na matutuloy ang bagong pelikulang pagsasamahan sana ng dalawa under Star Cinema. Ito ay ang pinaplanong third installment ng A Very Special Love at You Changed My Life na siyang nagluklok sa kanila bilang mga Box-Offfice King and Queen sa magkasunod na taong 2008 at 2009.
Ang kampo raw ni Sarah ang nagpasabing hindi na raw sila interesadong gawin ito. Kung bakit, wala pang lumalabas na detalye.
As far as John Lloyd is concerned, mukhang okey lang naman sa aktor kung hindi na tuloy ang muling pagtatambal nila ni Sarah. Sabi nga ng binata, wala naman daw siyang nararamdamang panghihinayang. Unang-una, hindi naman daw umabot sa puntong natapos na ang script. Siguro raw, kung meron na at nabasa niya ito tapos nakita niya raw na may kapupuntahan pa ring maganda ‘yong lovestory nina Laida at Migui (mga characters nila ni Sarah), at nakita niya rin umano halimbawa na ii-enjoy ito ng lahat ng sumusuporta at tagasunod nilang dalawa, baka nga raw manghinayang siya nang sobra.
Sa sinabing kawalan na ng interes ng side ni Sarah to do the said film reuniting her and John Lloyd, hindi maiwasang may mga intrigang maglabasan. Gaya na lang ng ispekulasyong umiiwas daw marahil ang young actress-singer na makipagtambal muli kay John Lloyd dahil baka magkaroon ng isyu sa kanila ng girlfriend ng aktor na si Shaina Magdayao.
Minsan na nga kasing na-link sa isa’t isa sina John Lloyd at Sarah sa dalawang beses na pagsasama nila sa pelikula. At hindi malayong may mabuo na namang love angle kapag muli silang nagtambal.
Subok na kasi ang magandang chemisty at kilig factor na hatid sa fans, not to mention the box-office appeal nga ng Sarah-John Lloyd tandem. Kaya siyempre, asahan na ang posibilidad na i-involve sila romantically sa isa’t isa kahit pa sabihing sa promo lang ng pelikula nila.
Eh, si Shaina pa naman daw, noon pa man ay napapabalita nang possessive at sobrang selosa sa relasyon nila ni Lloydie. Siyempre pa, makakanti at makakanti ang aspetong ito kapag nagsimula nang i-drumbeat ang muli nilang pagtatambal sa pelikula.
Sa mga panahong ito, parang nata-trauma sa mga intriga si Sarah. Kasi may isyu rin sa kanila ni Cristine Reyes dahil sa diumano’y panliligaw sa seksing aktres ni Rayver Cruz kahit may ugnayan pa umano ito sa young actress-singer.
Nakawiwindang na nga naman kung halimbawa, magkakaroon din ng intriga sa pagitan nila ni Shaina na posibleng mag-ugat sa pakikipagpareha niyang muli kay Lloydie.
Ispekulasyon at haka-haka pa lang naman ito sa sinasabing kawalan na ng interes umano ni Sarah na gawin ang ikatlo sanang project na pagtatambalan nila ni John Lloyd. Kung ano talaga ang rason, tanging ang kampo lang ng young actress-singer ang nakaaalam.
Let’s just wait kung may paglilinaw siyang sasabihin.
“Yon na!
Si Toni Gonzaga na ang kumpirmadong sunod na makakapareha ni John Lloyd Cruz sa panibagong pelikula ng Star Cinema. Excited na nga raw ang aktor sa nakatakdang pagtatambal nilang ito ng actress TV host. He’s looking forward din daw kung ano ang madi-discover nila sa isa’t isa while working together sa loob ng nasabing pelikula. Baka raw this month ay makapagsimula na silang mag-shoot.
Abala rin si John Lloyd ngayon sa taping ng fantaseryeng Imortal kung saan sa unang pagkakataon ay katambal niya si Angel Locsin. At mas lalo umanong nagiging exciting at masaya ‘yong experience habang tumatagal na magkatrabaho silang dalawa.
Hindi lang tungkol sa kani-kanilang career o sa showbiz ang napagkukuwentuhan nila kundi sa iba pang mga bagay gaya raw ng pagkahilig din ng aktres sa mga kotse, mga investments, at iba pa.
Si John Lloyd ang naging replacement ni Robin Padilla bilang bagong leading man para kay Toni. Si Toni naman ang naging kapalit ni Sarah.
Ano kaya kung biglang magkaroon naman ng ideya na pagsamahin sa pelikula sina Sarah at Robin? Single si Sarah ngayon at pasok sa sinasabing kuwalipikasyon ni Robin na kailangang walang sabit ang kanyang leading lady na baka masagasaan.
‘Yon nga lang, si Robin ngayon ang may sabit. Dahil lantad na sa publiko ‘yong espesyal na ngang pagtitinginan nila ni Mariel Rodriguez at balitang may pelikula nang pinaplano para sa mga ito.
Anyway, pasasaan ba at may maiisip ding bagong project para kay Sarah ang Star Cinema. And a new leading man din for her na hindi nakakatakot i-experiment at sugalan dahil sure fire na kakagatin din ng fans.
Naman!
Rubbing Elbows
by Ruben Marasigan
