BLIND ITEM: Minsang nagkita ang isang reporter at isang young hunk actor, tumili ang bading ng, “Papa ___!”
Nagulat ang bagets actor at nagdayalog ng, “Papa ka diyan! Wala akong syotang bading!”
Seryoso ang young actor habang idinadayalog ‘yon, huh! Eh, sa showbiz naman, normal na ang pagtawag ng bading na reporter sa artistang lalakI ng “Papa,” eh.
Kami nga, sino ba ang mga tinatawag naming Papa?
Si Piolo Pascual, ang tawag namin sa kanya, “Papa P.”
Si Zanjoe, Papa Zanjoe. Kahit si Sam Milby, Papa Sam.
So, ano’ng masama?
Ha-ha-ha! Nagre-react daw kami. Kasi, kami ‘yong sinabihan ng gano’n, eh! Ha-ha-ha! ‘Wag n’yo nang alamin kung sino ‘yon, baka ‘pag nagbanggit pa kami ng initials, eh, isipin n’yo, ‘yun nga ‘yong tinutukoy namin.
OO, TOTOO. NA-SIGHT namin sina John Lloyd Cruz at Shaina Magdayao sa birthday party ni Tita Cory Vidanes. Kung sila na? Hindi na namin itinanong, dahil baka idenay lang, sumama pa ang loob namin, ha-ha-ha!
Pero come to think of it, kung sila na? O, eh ano naman ngayon? Dalaga naman si Shaina at binata naman si John Lloyd? Saka hello, wala na sina John Prats at Shaina, ‘no!
Hayaan na natin. Mas ma-shock tayo kung me dyowang bading si John Lloyd. O me dyowang tibo si Shaina.
GUSTO NAMIN ANG attitude ni Enchong Dee na hindi napipikon tungkol sa gay issue. Kunsabagay, sino pa nga ba ang makakakilala nang lubos sa pagkatao mo kundi ang sarili mo, ‘di ba?
Heto nga’t may issue na namang may video si Enchong na kasama ang boyfriend nito. Me gano’n? Kami, ang iniisip na lang namin, kung hindi talaga katakam-takam si Enchong sa mga bading, gagawan ba siya ng issue na siya’y bading din?
MERONG HULA SI Mother Lily Monteverde: “Ngayon presidente si Noynoy, hula ko, after 12 years, si Kris Aquino naman magiging presidente!”
Well, hindi natin masabi kung ano ang mangyayari bukas, ‘yun pa kayang after 12 years, ‘di ba? Malay naman natin. ‘Pag nagpakita ng husay bilang presidente si Noynoy at totoo siya sa kanyang salitang lilipulin niya ang lahat ng corrupt para wala nang mahirap, aba, eh, why not, ‘di ba?
‘Wag n’yo pong kalilimutang makinig palagi sa “Wow! Ang Showbiiiz!” sa dwiz 882 sa inyong AM station at maririnig din sa www.dwiz882.com, 11-12nn kasama siyempre pa sina Ms. F, Papa Rommel at Daddy Eric, and yours truly.
‘’Yan ay kung gusto n’yo lang maaliw, ha?
Oh My G!
by Ogie Diaz
