Pagkatapos ng ilang buwan ng pananahimik, sa wakas ay tinuldukan na rin ni John Lloyd Cruz ang mga isyung ipinupukol sa kanya partikular na ang ugong-ugong sa diumano’y relasyon niya sa Kapamilya homegrown talent na si Shaina Magdayao.
“Yes, it’s us” kalmang pagkumpirma ng aktor sa The Buzz host na si Boy Abunda nang tanungin kung sila nga ni Shaina Magdayao. Nagdesisyon na raw siyang lumantad at ilahad ang totoong namamagitan sa kanila ng nakababatang kapatid ni Vina Morales dahil hindi na raw maganda ang naidudulot nito sa kanilang mga pamilya at sa pagkatao ng kanyang bagong nobya.
Itinanggi naman ni John Lloyd na ipinagsabay niya sina Ruffa at Shaina. Nagkaroon nga raw ng misunderstanding sa pagitan ng dalawang babae, pero lahat dawn g ito ay naayos na nila. Espesyal daw ang naging relasyon niya noon sa dating katrabaho sa I Love Betty La Fea na si Bea Alonzo. Itinanggi rin nito ang tsikang pinaasa niya si Sarah Geronimo na may gusto rin ito sa kanya.
Sa pagkaklaro ng aktor sa mga isyu tungkol sa mga babaeng iniuugnay sa kanya, paniguradong mas makakahinga na ng maluwag ang mga sangkot sa usaping ito.
Pinoy Parazzi News Service
