BINASAG NA RIN sa wakas ni John Lloyd Cruz ang kanyang matagal na pananahimik tungkol sa kanila ni Shaina Magdayao. He finally admitted his relationship with Shaina on The Buzz. The rumor has been floating in the air for several months, marami nang mga tao ang nadamay at mga anggulong nagsanga-sanga dahil sa mga lumabas na ispekulasyon tungkol sa kanilang relasyon.
Diretsahan ko siyang tinanong during the interview kung girlfriend niya si Shaina. “Yes, it’s us!” he admitted. Contrary to rumors ay hindi raw niya inagaw si Shaina kay John Prats. Nag-usap pa nga raw sila over the phone ni Pratty ng lalaki sa lalaki. “Kasi ang nangyayari na noon parang naapektuhan na iyong reputation noong tao. She was being put in a bad light. Hindi naman iyon fair.” It was Lloydie who initiated the conversation with Pratty. Okay raw si Pratty nang mag-usap sila and he even told Lloydie, “Wala na iyon. Let’s move on.”
Nangahas din akong tanungin si Lloydie kung nagkasabay ba sina Shaina at Ruffa Gutierrez who, earlier on the interview, John Lloyd admitted that he had a “very special relationship” with. “No!” he said. “Nagkausap sila at nagkaayos na. So, tapos na.”
Hindi raw alam ni Shaina that Lloydie was going to tell the public that they’re going steady. “Sana maramdaman niya na hindi lang ako tatahimik at hindi ko hahayaan na patuloy siyang huhusgahan. Iyong mga iniimbento ng mga tao about her and me. Sa ibang tao na ring nadadamay na hindi naman nila hinihiling na madawit sa amin.”
Lloydie also denied that he promised Sarah Geronimo that he would court her in 5 years. “That’s not true. Hindi mo iyon pinapangako sa isang babae. Hindi mo naman alam kung anong puwedeng mangyari. Alam niya at alam ko kung ano ang totoo.”
At ano ang totoo? Niligawan ba niya si Sarah, did she fall in love with him or did Lloydie fall for her? “Mataas ang respeto natin sa katotohanan. Gusto ko lang siyang iwanan ng ganoon na may respeto ako sa kanya, sa mga magulang niya. Kung anuman ang napakaimportanteng katotohanan, maaari sigurong sapat na sa aming dalawa,” ang matalinhagang sagot ni Lloydie. Sa ngayon ay okay raw silang dalawa ni Sarah.
“I want to come out and say something kasi marami na ang mga taong nagte-take advantage sa pagtahimik ko at hindi na maganda. Maraming tao ang nadadamay at nasasaktan for me and themselves. Hindi na nakakatuwa,” sabi ni Lloydie.
Salamat Lloydie sa tiwala at respeto.
Kaibigan, usap tayo muli!
Points of Boy
by Boy Abunda
