MAGBABALIK-TELEBISYON NA pala si John Lloyd Cruz itong September ‘pag naayos ang mga plano.
Pero hindi raw sa isang teleserye, ayon sa aming reliable source, kundi sa isang sitcom.
Nasubukan na rin naman ang kakayahan ni Lloydie sa pagpapatawa at kakulitan sa ilang mga pelikula ginawan n’ya, lalo na sa pinagsamahan nila ni Toni Gonzaga na My Amnesia Girl at ni Angel Locsin na Unoffcially Yours na parehong pumatok sa takilya, gano’n din kapag nagge-guest ito 
sa ASAP.
Kung maaayos nga raw ang mga plano, baka ang multi-media star na si Toni raw ang gusto ng produksyon na maging kapareha ni JLC sa panibagong sitcom ng ABS-CBN at baka magsimula na itong mag-taping ngayong buwan.
Gaya ng Toda Max nina Vhong Navarro at Angel, maaari raw na ipalabas ang bagong show ng Box-Office King tuwing weekend.
Franz 2 U
by Francis Simeon
