SA RECENT ENCOUNTER ng mga kapatid sa panulat kay John Lloyd Cruz, marami ang nakapansin na sobrang umiinit ang ulo ng aktor kapag natatanong siya tungkol kay Shaina Magdayao. Why kaya?
Oo nga’t alam naming may news blackout ang Dos sa kanilang dalawa ni Shaina, pero bakit nag-iiba ang kanyang mood at medyo sumisimangot kapag ‘yun ang nagiging topic?
Kung talagang may relasyon sila at love niya in the real sense of the word si Shaina, aba’y dapat, kiligin pa nga siya kapag ang magandang young star ang napag-uusapan, hendehvah?
At kung wala naman talaga silang relasyon, mas lalong walang rason para magsungit, sa totoo lang!
Kung may mga taong natapakan ang dalawa sa kanilang relasyon ngayon, wala na ring magagawa ang mga ‘yon but to move on. Ganu’n naman kasi talaga ang isang relasyon, isang malaking pusta na minsan, nananalo at minsan, natatalo rin.
Hindi na bago sa showbiz ang pagririgodon ng mag-syota kaya sana, ‘wag na ring i-big deal ni Papa JLC ang pagkaka-link niya kay Shaina para hindi na rin siya sumisimangot kapag napag-uusapan ang isyung ito.
Nagmumukha pa namang tipsy si Papa JLC kapag medyo nagagalit… joke!
NAGKAROON BA NG pagbabago ang Sunday viewing habit ng mga Pinoy sa launching kahapon ng Party Pilipinas o parang wala lang?
Kung kami ang tatanungin, e,wala. Parang walang nakapansin na nai-launch na pala ang Sunday show na ‘yon ng GMA-7.
Paano ba naman, karamihan sa mga kababayan natin, e, busy na sa pagbabakasyon at pagpunta sa probinsiya kung hindi man nagre-relax sa mga resorts. Kaya paano pa sila makapanonood ng launching?
Pero ang kapitbahay naming maka-Kapuso, e, tumutok nang maigi at ito ang kanyang napansin. Pasok!
“Ganu’n pa rin. Ang production number nina Ogie, Regine, Janno at Jaya, e, parang SOP pa rin. Sana nga tinanggal na lang si Jaya dahil siya pa ‘yata ang nakasira sa production number, dahil sobrang taba niya sa screen.
“Ang grupong Pop Girls naman, halatang kulang sa practice. Halata sa TV ang mga mali nina Yna Asistio at Mark Herras. Ang Starstruck 5 na si Sarah Lahbati, hindi makasabay sa pagli-lip sync, ano ba ‘yan?
“’Yung mga co-hosts naman, very obvious na parang desperate dahil puro superlatives ang ibinibigay na comment sa bawat production number kahit walang kuwenta.
“Sa sobrang asiwa namin sa show, e, inilipat na lang namin ang channel sa ASAP XV para masilip namin ‘yung Anne Curtis scandal. Kasi kung pinatagal pa namin ang pag-watch sa Party Pilipinas, e, baka nabato namin ang TV, sa totoo lang,” ang medyo bayolente nang kuwento sa amin ng aming friend.
Easy! ‘Wag naman. Bigyan pa natin sila ng chance next Sunday at baka nanganganay lang.
Pero dagdag pa ng friend namin, sana raw SOS (as in Save Our Ship) na lang ang ipinalit na title sa SOP dahil mas bagay daw ‘yon kesa sa Party Pilipinas. You talaga, kapatid na kapitbahay, hek-hek-hek!
NAGKAROON NG lindol sa ‘Pinas last week at sa araw ding ‘yon ini-launch ang bagong TV5 na tinawag na Kapatid Channel. Ang lindol kaya na ‘yon ang dahilan kaya nawala ang Ka-shake Mo Network tag ng TV5 at naging Kapatid Channel?
Anyway, ilan sa mga early favorites namin sa Kapatid Network ang Face to Face ni Amy Perez na mala-Jerry Springer Show ng ‘Merika ang dating, ang Loco Moko University pati na rin ang Pidol’s Wonderland.
Ang alam namin, may show rin si Joey Marquez sa TV5 pero hindi masyadong nai-hype. Siguro nga, ang pagka-kandidato niya sa Parañaque ang dahilan kung bakit hindi na muna ito pinag-usapan.
Sina Oyo Boy Sotto, JC De Vera at John Prats ang pinakilalang primetime prince ng TV5. Just wondering, kung sila na ang mga prinsipe, e, paano na si Dingdong Dantes kapag pumasok na siya sa Singko?
Siya kaya ang magiging Primetime King? Esep-esep!
For reaction, please e-mail [email protected]
Sour-MINT
by Joey Sarmiento
