OLA CHIKKA! NAWINDANG talaga ko sa mga statements ni Judy Ann Santos nitong mga nakaraang araw. Ano bang ikinasasama ng loob niya nang sabihin ni Senator Jamby Madrigal na isang pagkakamali ang gumamit ng artista upang i-endorse siya?! Humingi na siya ng paumanhin kay Judai, ano pa ba’ng kulang?!
Nagagalit siya dahil hindi na siya kukunin ngayong kampanya? At ano pang sinasabi niya na kulang pa ang bayad sa kanya ng senadora? Eh, ilang taon na ang nakararaan, bakit ngayon niya lang ipinagkakalat? Naku ha!
Ano bang alam ni Judai sa bayarang naganap nu’ng panahong ‘yun? Ang tanging nakaaalam lamang ng katotohanan ay ang kanyang manager na si Alfie Lorenzo at kampo ni Sen. Madrigal.
Kahit nandu’n ang beauty ko nu’ng nagpirmahan ng contract ay hindi kinaya ng powers kong makita ang amount dahil… hindi ako ang manager ni Judai. Alangan namang ako ang pumirma ro’n, ‘di ba?!
At kung talagang walang itinatagong lihim itong si Alfie ay hindi siya magbabanta sa akin na hinding-hindi dapat malaman ng mag-inang Judai at Carol kung magkano ang ibinayad sa kanila, dahil sa oras na may makaalam ay hindi matutuloy ang project. Say n’yo?!
Say ko?! Paanong may makakaalam, eh, hindi ko nga nakita kung magkano, ‘di ba? Heler!! Kaya ganu’n na lang siguro kung magsalita si Judai na kulang pa ang bayad ng Senadora, dahil hindi niya alam ang buong katotohanan sa likod ng bayarang naganap. Excuse me pow!
AY, NAKU! HAYAAN na muna natin ang missing money at dumako tayo rito sa flying car ng aking twin sister na si Aiko Melendez.
Nakausap ko siya kagabi at sinabing hindi na talaga mare-recover ang kanyang na-carnap na SUV dahil naniniwala siyang may bahid ng pulitika ang kaganapang iyon at pinabulaanan din niya ang akusasyon sa kanya ng mga taga-city hall na lihim silang nagkikita ni Herbert Bautista roon mismo sa city hall!
Bakit sila magkikita? Alangan namang romantically-related, eh, mukhang imposible ‘yun. Paano sila magkikita, eh, sa
kampo ni Mike Defensor ang aking twin sister at hindi kay Herbert?
BLIND ITEM: PITIK-BULAG! Sino siya? Sino itong napakaguwapong sexy actor na kung titingnan mo ay napaka-yummy at mayaman ngunit, ‘day, malalaman mong nagkakamali ka?!
Ganito nga ‘di ba… nagpunta ako sa isang party, kung saan nandoon din itong sexy actor na kalat na kalat na nagpapa-take-home, taray! Parang fast food lang, ‘di ba?! Magpapa-cute, manlalandi, mang-aakit – ‘yan ang kanyang modus operandi. Pero hindi ka naman magsisisi dahil performance level daw talaga.
Pero ‘wag ka lang magkakamaling magkulang ng talent fee dahil talagang magsisisi ka kahit gaano pa siya kasarap.
Magkano ang talent fee? Ay, naku ‘day, mawiwindang ka! Ten thousand pesos lang naman, bongascious! Pero puwede rin namang kalahati ang ibayad mo dahil paggising mo kalahati lang din naman sa mga kagamitan mo sa bahay ay maglalaho na nang tuluyan kasama niya. Gusto n’yo ng clue?!
Sino itong sexy actor na nagpapa-take home? Try n’yong itanong kay Kuya at alamin kung sino ang pioneer evictee sa kanyang bahay. Ha-ha! ‘Yun na!
Para sa mas maiinit pa na chika at makatotohanang balitaktakan pakinggan n’yo po kami sa DWBL 1242 khz kasama ang sosyalera kong co-host na si Michelle Junia every Monday to Friday mula 8 hanggang 9 ng umaga at sa RHTV / DZRH tuwing linggo 2:30 to 3:30 pm. This is your Tita Swarding saying thank you very much and God Bless!
Ooola Chika
E-mail: [email protected]
by Tita Swarding
