SUPER SEXY si Judy Ann Santos nang rumampa ito sa presscon ng bago niyang endorsement na Eden Cheese. Ikinagulat ng media ang mabilis na pagpayat ng asawa ni Ryan Agoncillo. “Siguro nabibigla lang kayo kapag naka-outfit ako nang ganito. Kasi, sanay kayong makitang maluwag ang damit ko. Nasa bahay lang ako, pahabul-habol sa bagets kapag naglalaro kaming mag-iina. So, nandu’n na ‘yung nai-exercise ka at saka nasanay na rin ako small amount ‘yung kinakain. Hindi ko rin napapansin kung naglu-lose ako or kung ano, happy naman ako,” tsika niya.
Sabi ni Judy Ann, malaking factor si Ryan sa pagiging sexy niya. May secret formula kaya ang magaling na actress for being sexy? “Happy life. Commitment na gusto mong ta-lagang pumayat. Disiplina sa sarili na gusto mo itong gagawin mong ‘to at hindi ito inutos ng ibang tao. At saka ‘yung pagpupursigi na hindi ka kahit kailan mada-down ng kahit sino dahil dini-discourage kang magpapayat. Basta gusto mo, go as long as nakakaga mo ‘yung duties mo as housewife. And at the sametime, nagagawa mo pa rin ‘yung duties mo para sa sarili mo kasi, papaano mo itatawid lahat ‘yung responsibilities mo, kung ikaw mismo sa sarili mo hindi ka confident. It’s always come from your heart. It’s always come from yourself, ‘di ba?
“Malaking bagay mayroon kang support group. Hindi ito ‘yung support grupo na pinilit mong suportahan ka. With Ryan kasi, sa asawa ko, walang halong pambobola. Hindi niya napansin kung gaano ako kalaki noong lumaki ako. Araw-araw rin kaming magkasama. Mahal na mahal niya ako para hindi niya makita, itong asawa ko pa-balyena factor. Ngayon lang niya uli napapansin kapag tumitingin kami ng mga pictures last year. Kapag nag-compliment si Ryan, ang sarap naman pakinggan lalo’t English ‘yung compliment like, you’re so beautiful!”
Hangga’t maari ayaw ni Judy magtrabaho ng Saturday and Sunday. Inilalaan niya ang araw na ‘ yun sa kanyang pamilya. “Kasi, ‘yun lang ‘yung time na walang pasok si Yohan. Kung mayroon mang trabaho, hanggang tanghali lang, hanggang 3 p.m. lang. Saturday naglalaro kami, larong-kalye. Gusto kasi naming i-introduce kay Yohan kung ano ‘yung mga ginawa namin ni Ryan noong mga bata pa kami. Patintero, agawan base, mga habulan kasi, kulang na lang maglagay ka ng patintero sa iPad.”
Alam natin kung gaano ka-close sina Judy Ann at Sharon Cuneta. Sa nangyayari ngayon sa twitter account ng Megastar, anong masasabi niya tungkol dito? “Ang masasabi ko lang, may mga pagkakataon kasi, bilang isang ina… kung ikaw lang naman ang aalipustahin, ako, okay lang, kasi kaya ko. Pero kapag anak mo na ang kinanti, kahit naman siguro sinong santa, lalabas at lalabas ang sungay kasi, anak ‘yun. Dinala mo ‘yun nang siyam na buwan sa sinapupunan, iniluwal mo, pinalaki mo tapos nand’yan lang ‘yung mga tao para alipustahin at husgahan agad-agad. In general, bilang isang ina, ‘yun talaga ang nature ng isang nanay, protektahan. Inakay mo ‘yan, ‘di ba? Inalagaan mo ‘yan buong buhay mo. Walang sinumang tao may karapatan na saktan, alipustahin ang anak mo. Sa kaso ni Ate Sharon, nanay siya. Sana’y maintindihan din siya. Kagabi ko lang yata nabasa (Tuesday, March 20) ang nagaganap kasi, nasa trabaho ako rin ako kagabi. Sa akin man sabihin ‘yun masasaktan ako nang bonggang-bongga. Hindi na yata makatao ‘yung mga sinasabi rin. Siguro, they have their own reason. Siguro, darating din ‘yung panahon kapag naging magulang na sila kung mga bata man itong gumawa ng ganitong salita. Kapag naging magulang sila, mararamdaman nila ‘yung pinanggagalingan ng mga magulang ngayon kapag sinaktan ang anak mo,” paliwanag niya.
Comment ni Juday sa mga personal na tira sa Megastar. “Sa totoo lang, feeling ko, lahat ng ito nanggaling mula doon sa naganap na hiwalayan, ‘di ba? It’s a personal thing. Ito ‘yung isang bagay na hindi dapat pakialaman kasi, dalawang tao lang ang involved dito. Naiintindihan ko na may mga taong gustong protektahan ang mga idolo nila. Pero sa ginagawa nilang pagpoproteksiyon, napapasama rin pati ‘yung iniidolo nila. Kung anuman ‘yung naging issue between KC (Concepcion) and Piolo (Pascual), wala namang hindi nadadaan sa matagal na panahong pagpapahinga. Bigyan natin ng time. Bigyan natin ng space silang dalawa. Relax lang, hayaan na natin. I’ve guess, silang dalawa, their trying to move- on. Pero may mga tao sa paligid nila na hindi maka-let go. Hayaan na lang natin silang maging masaya. Naku! Baka paglabas ng interview ito, I’m sure, ako naman ang may mga bashers,” aniya.
AYAW Paawat!
by Eddie Littlefield
