ENJOY RAW pareho sina Julie Anne San Jose at Elmo Magalona habang tinatapos ang shooting ng launching movie nila sa GMA Films na Just One Summer. At mas lalo pa raw niyang na-kilala ang ka-loveteam sa madalas nilang pagsasama sa trabaho.
“Ano po, masaya talagang katrabaho si Elmo. Actually eversince naman. And medyo madaldal siya! Madaldal pala siya. Hahaha! Tapos ‘yon, he has a lot of stories.”
May napi-feel ba silang pressure while doing their launching film?
“Ako, hindi naman po ako napi-pressure. Basta nag-i-enjoy lang po ako habang nagsi-shoot kami.”
Ang dami raw nilang mahihirap na eksenang nakunan na.
“Actually ‘yong isa sa pinakamahirap na scenes namin talaga, first time po naming magpaligo ng kalabaw!” tawa ulit ni Julie Anne.
Kadalasan sa mga nagiging magka-loveteam, nadi-develop at totohanang nai-inlove sa isa’t isa. Nakikita ba niya na possible din ito sa kaso nila ni Elmo?
“Ayyy, hindi naman po!” nangiting sabi ni Julie Anne. “Hindi naman po. Kasi po talaga kami, focused po talaga kasi kami sa trabaho. At do’n n’yo masusukat ang pagiging professional namin.”
Sobrang inspire sa kanyang career ngayon si Julie Anne. Sunud-sunod kasi ang magagandang break at opportunities na dumarating sa kanya. Isa na nga rito ay ang kanyang first album na tinatapos niyang i-record sa ngayon.
“Ongoing pa rin po ‘yong recording ng album ko. And, lahat po ng songs dito magaganda. Halo-halo po, e. May rock. May R&B. May coustic din po. Tapos may dalawa po akong acoustic compositions du’n.”
Bukod sa kanyang album, magkakaroon din daw siya ng concert na itataon sa birthday niya on May 17. At labis din umano niyang ikinai-excite ang tungkol dito.
“Opo. Tuloy po ‘yong concert ko. Pero sa ngayon, pinagpaplanuhan pa po naming mabuti ang tungkol dito. Kaya wala pa po akong masyadong detalyeng masasabi.”
AMINADO SI Jay R na nililigawan ulit niya si Krista Kleiner. Nagkasama kasi sila recently sa isang show sa U.S. for GMA Pinoy TV. Naging daan daw ito para may ma-rekindle sa kanilang dalawa.
“Kasi we had no choice but to be together, e. ‘Di ba?” pahayag ng R&B Prince nang makapanayam namin. “Siyempre, in a relationship, hindi naman laging masaya. Minsan may dinadaanan din.
“E, you know, may dinadaanan din kami. Ngayon medyo, nanliligaw ulit ako!” natatawang sabi pa niya.
Ramdam naman daw niya na may pag-asang ma-win back niya si Krista.
“Oo naman!” nangiti si Jay R. “Siyempre you fight for what you love, ‘di ba? Of course I’m gonna be fighting in a good way! Ha-ha-ha!”
Iba naman ang ngiti ni Krista nang matanong namin kung paano siya nililigawan ulit ngayon ni Jay R. Aniya, “Well, he invite me to go to lunch, he invite me to go to dinner kasama ang Mom ko who is here for a vacation. We’re still in very good talking terms. We hang out if we can. And we talk to each other almost everyday. Well, siyempre nag-show kami roon. So, it’s either hindi kami mag-uusap. ‘Di ba? Tarayan kami do’n?” sabay tawa ni Krista. Or… we just enjoy the trip. ‘Di ba? So we enjoyed the trip.”
“We’re taking things slow,” sunod na nasabi niya when asked kung ano ang nakakapigil para maging sila ulit. “We went through something that we don’t wanna talk about. We wanna keep it private. But whatever it is, we were able to handle it in a friendly way. And, ‘yon nga, we are in the ligaw stage. And, yeah… we’re working things out. So, let’s leave it at that na lang muna. Because we don’t wanna say more than that.”
Ganyan?
Rubbing Elbows
by Ruben Marasigan
