Successful ang unang album ni Juris as a solo artist under Star Records. Tumalon agad sa number 5 spot ang kanyang album sa local OPM charts ng mga record bars. Malaki naman ang pasasalamat ng singer sa success na natamo niya kahit pa kumalas na siya sa kanyang grupong MYMP. Maagang pa-birthday nga ito para kay Juris na magse-celebrate na ng kanyang kaarawan sa darating ng March 18. Wala naman daw espesyal na selebrasyon sa birthday niya at ise-celebrate lang daw niya ito kasama ang kanyang pamilya at malalapit na kaibigan.
Tinanong namin siya kung wala ba siyang ‘someone special’ na maituturing ngayon, meron naman daw. Medyo nasa early 30’s na pala si Juris at tinanong tuloy namin siya kung may balak na ba siyang magpakasal in the near future.
“Ako, ready na naman ako. Napag-uusapan naman namin siya, kaya okay lang sa akin,” sagot ni Juris.
Emotionally, financially and spiritually ready na raw siya kung sakaling alukin na siya’ng magpakasal ng kanyang current boyfriend. At kung pipili siya ng isang kantang puwede niyang kantahin sa kanyang kasal, mula sa kanyang latest album under Star Records, ito raw ay ang awiting ‘Love Letters’. Paliwanag ni Juris, “Ito kasi ‘yung kanta ng mga love letters namin sa isa’t isa. Hiniram ko muna sa kanya tapos ginawa kong kanta.”
NAGBABALIK-ABS-CBN SI Janice de Belen para sa isang special engagement sa Maalala Mo Kaya ngayong darating na Sabado. Isang ina ang role ni Janice dito na may mga anak. Mula sa direksyon ni Direk Jerry Lopez Sineneng, magpapakita na naman ng galing niya sa pag-arte si Janice na medyo matagal-tagal na ring hindi nakikita ng mga viewers. Sa Sabado na ‘yan, 8 P.M.
SPECIAL GUEST NG lifestyle show na Us Girls si Coco Martin ngayong gabi. Ibang klaseng Coco Martin ang mapapanood ng mga tao dahil usapang summer at pagiging fit and sexy ang topic!
Makakasama ni Coco ang “9 Boys of Summer”, mga nagugguwapuhang models and bachelors na magpapakita ng kanilang magagandang katawan at fitness secrets! Naku, pihadong mag-e-enjoy ang mga girls dito! At may bonus pa… ang PBB Double Up ex-housemate na si Sam Pinto ay magbabahagi ng kanyang mga fashionista tips and secrets para maging beautiful at fashionista all the time! Nood na ng Us Girls, 8 P.M. sa Studio23!
