NAKAKATUWANG PANOORIN SINA Toni Gonzaga at Sam Milby sa The Buzz nang mag-guest kamakailan ang aktor sa show. Although they were linked together in the past ay makikita mong wala silang ilangan sa isa’t isa. They have become good friends.
Subok na ang tibay ng tandem nina Toni at Sam sa takilya at telebisyon. Patunay lamang dito ang mga pelikulang You Are The One, You Got Me, My Big Love at Ang Tanging Pamilya: A Marry Go Round na pawang mga blockbuster hits. Ano nga bang meron sa kanilang tambalan at kahit wala silang relasyon sa totoong buhay ay patok sila sa mga fans? Siguro nga ay may mga tao talagang nakakikilig panoorin na magkasama onscreen because they look good together and they have great chemistry. At kabilang dito ang tambalang Toni at Sam.
During his interview, nagkatuksuhan sina Sam at Toni dahil muling nabuksan ang tungkol sa kanilang nakaraan. “Nu’ng single ako nilaan ko talaga ang panahon ko sa ‘yo pero at that time busy si Sam, andami niyang ginagawa. Na-distract ka din. There were distractions along the way,” sabi ni Toni.
Siyempre ay hindi naman nagpatalo si Sam at humirit siyang kahit si Toni ay naging busy rin. Aware din daw si Toni kung ano ang nararamdaman ni Sam sa kanya noon. Biniro ni Toni si Sam kung bakit ngayon lang ito nagsasalita kung kailan may kanya-kanya na silang buhay and Toni is happy with Direk Paul Soriano. Of course, everything is now in the past pero hindi pa rin minsan maiiwasang isipin na what if naging sina Toni at Sam nga noon.
On his part, Sam is now being linked with Marie Digby, the acoustic singing sensation on the internet, who is supposed to be the new girl in Sam’s life. He said that they are not yet an item pero lalo raw silang naging close ngayon. “I do like her, napakabait talaga. Maganda. Talented.” If they become a real couple, it will be a long distance relationship because Marie is based in the US.
Paano ba sila nagkakilalang dalawa? Marie had a concert in the Philippines last year at doon sila nagkakilala ni Sam. Nag-date sila twice pero bumalik na sa US si Marie. Sam also confirmed that they went to Boracay. Until now they call each other over the phone.
Ano kaya ang kahahantungan ng relasyon nina Sam at Marie? Abangan na lang natin.
Kaibigan, usap tayo muli!
Points of Boy
by Boy Abunda
