COULD THIS BE the start of a new love or getting back together with an old flame? Mukhang exciting ngayon ang lovelife ni Angel Locsin. She is now being linked to Parokya ni Edgar frontman Chito Miranda and CNN Hero of the Year awardee Efren Peñaflorida. But many are also hoping na magkabalikan sila ni Luis Manzano.
The actress denied the rumors that she and Chito are playing sweet music together. Sinabi niya na magkaibigan lang silang dalawa. They were romantically linked to each other after they were spotted watching a movie together. Nahihiya raw siya kay Chito dahil hindi naman ito sanay sa mga intriga at kagagaling lang sa break-up nila ni Kaye Abad.
Iniuugnay rin ngayon kay Angel si Efren Peñaflorida who was smitten by Angel’s beauty and good heart. He admitted that she is his biggest crush. Nagsalita na si Angel tungkol sa isyu. “Dahil magulo ang buhay ko dahil nasa showbiz ako, ayokong iyong hope na maibibigay niya sa mga tao, maapektuhan dahil sa akin. Sinabi ko sa kanya kung ready na ba siya na harapin ang mga iyon? Gusto ko, friendship muna.” Mas maganda raw kasi kung magkakilala muna sila ng mabuti.
But it looks like the young hero is really serious in courting Angel. It was reported that Efren visited Angel at home a few times. Kinausap pa raw niya ang daddy ni Angel. Pero kagaya ng isang matapang na bayani na hindi umuurong at sumusuko sa anumang laban harangin man ng pana at sibat, Efren said he will take his chance at pursuing love. “Bago ko in-ask, bago ko in-open sa kanya iyong mga intentions ko, ready na ako. Prepared ako doon sa kung ano man ang mangyayari.”
Dahil sa balitang panliligaw ni Efren kay Angel, hindi maiiwasang magkaroon ng iba’t ibang comments mapa-Twitter man o Facebook. But Efren is “lucky” dahil nakahanap siya ng kakampi sa katauhan ni Luis Manzano. “Sa mga taong nagbababa kay Efren, sana ma-realize ninyo kung ano ang ginawa niya para sa mga Filipino,” Luis defended him.
Mukhang hindi naman threatened si Luis dahil maganda ang samahan nila ni Angel ngayon. Sinabi niya na hindi na sila nagkakailangan at wala nang galit sa pagitan nilang dalawa.
Many of their fans are hoping na sila ang magka-date sa Valentine’s Day. Maliban sa pagbabati nilang dalawa, the fans are also entertaining the possibility that their idols will reconcile lalo pa’t nakita si Luis sa set ng Kokey @ Ako na pinagbibidahan nina Angel at Vhong Navarro.
Malapit na ang Valentine’s Day, sino kaya ang makikita nating kasama ni Angel on this very special day of the hearts?
Kaibigan, usap tayo muli!
Points of Boy
by Boy Abunda
