MATAGAL NANG kumakalat ang balitang nagkaroon nga ng kumprontasyon sina Derek Ramsay at Baron Geisler sa set ng Kidlat. Pero hindi nagsasalita ang dalawang kampo kaya nang natiyempuhan namin si Derek sa presscon ng JLD Talents last Tuesday, March 12, inusisa na namin siya tungkol dito.
Totoo bang wala na sa Kidlat si Baron? Pagtanggi niya, “Si Baron, ‘andu’n pa.”
Sunod pang tanong kay Derek kung totoo nga bang ayaw na raw niya itong maka-trabaho? “I wanna clear that out, I’ve always defended Baron, I tried to guide him but he’s a grown man, he’s making mistakes after one mistake.”
Pero totoo bang nagkaroon sila ng suntukan sa set? “Walang suntukan na naganap, walang away, may kaunting taasan ng boses, pero walang away na nangyari. Pinagsabihan ko lang siya na mali ‘yung ginawa niya.”
Ang balitang lumabas dati na ay napuno na raw siya nang isa sa mga cast diumano ay nakairingan ni Baron at dito na raw siya pumagitna. After daw ng kanilang kumprontasyon ay naging okay na naman daw lahat. “Thats wrong, I even spoke to the director that night, Mike Tuviera. Ang sabi ko, ‘Direk Mike, kung gusto n’yo pa ring kunan ‘yung eksena right now, kunan na natin, walang problema’. Nag-usap na kami after that and wala na. Actually, two tapings after yata, nagkita kami sa set, nakatalikod ako, lumapit siya. He apologized again, through text and in person.”
Pero pinagsabihan pa rin daw niya si Baron dahil paulit-ulit na lang daw ang mga balitang nasasangkot ito sa gulo. “It’s the same thing, he can ask for advise anytime, he came in the decency to apologize and told him ‘apologizing isn’t enough. Madali lang magsalita, gawin mo na lang, hindi mo naman kailangang sa akin paulit-ulit sabihin na gagawin mo, gagawin mo, gawin mo na lang’.”
Detalye pa niya kung paano nagsimula ang kumprontasyon nila, “He’s upsetting one of the casts, and nakakaistorbo sa set. So, I told him na what he’s doing is not right, so and yes, I did raise my voice, but I don’t disrespect him, I don’t throw any punches, I just made him feel that I was disappointed.”
Pagdepensa pa niya sa kasamahang unang nakairingan daw ni Baron, “In fairness to the other member of the casts, walang ginawang mali ang taong ‘yun.”
Dumating kaya sa isip niya na ipatanggal si Baron sa Kidlat? “That’s up to the bosses, you know, issues came, I defended Baron because I do believe in his talent. But you know he’s been given many chances, and that’s up to the boss to decide. Hindi ako ‘yung tipong artistang nagpapatanggal, my job is to act, to portray my character.”
Pero kahit daw ganu’n ang nangyari, dinipensahan pa rin ni Derek si Baron dahil nga sa pinagdadaanan nito. “It’s not easy, he’s gone through a lot. So, you can’t really judge him for that but he’s a grown man, you don’t baby him when he makes mistakes, you let him know that he made mistakes, he gotta learn. Kung tanggalin siya sa show, that’s not because ayaw namin siyang makasama or to teach him a lesson, but you can’t continuously go back and repeat the same mistakes.”
Sa ngayon daw, napatawad na niya ang actor sa ginawa nito. “Thats water under the bridge for me na, kasi nag-usap na kami sa set. Sa nga-yon, wala na akong problema kay Baron, napagsabihan ko na lang siya na hindi ka na bata, paulit-ulit ka rin lang na gumagawa ng parehong bagay, tama na.”
Nakita naman daw niyang sinsero ito nu’ng humingi ng tawad. “I do belive in him apologizing, pero mahirap talaga ‘yung pinagdaraanan niya. It’s tough for him and it gets even tougher for him to be successful in his career kasi ‘andami na niyang nagawa. It’s never too late to start. Ang mahirap lang talaga sa kanya, ‘andami na niyang mistakes na nagawa na paulit-ulit.”
Pero, naniniwala pa rin daw si Derek na kaya niyang magbago kaya raw binigyan niya ito ng panibagong payo para raw magkaroon ito ng ‘sense of responsibility’ sa sarili. “I believe na kaya niya, na he can do it. I gave him advise na he should invest in some (properties) to give him sense of responsibility na kailangan niyang ah, pagtatrabahuan. Get it on, a small apartment na meron siyang huhulugan every month so meron siyang sense of responsibility. Like I said, I can only give him advise but it’s up to him if he follow it.”
Sure na ‘to
By Arniel Serato
