TOTOO KAYA ang sinabi ni Carlo Orosa, ang manager ni Hayden Kho, sa isang interview na malapit na raw mapasakamay muli ng ex-boyfriend ni Dra. Vicki Belo ang license nito bilang doctor?
Sa isang exclusive interview ay sinabi ni Carlo na tuloy na tuloy pa rin ang pag-aartista ni Hayden. Sa katunayan ay nagwo-workshop ito ngayon sa isang network bilang pag-hahanda na rin sa kanyang pagpasok sa mundo ng showbiz.
Hindi naman daw papasok si Hayden bilang actor kundi bilang “personality”, ayon sa write-up.
So, there’s life after Belo? Mukhang meron naman, kasi nga ay mukhang masigasig si Hayden na maging aktibo sa showbiz.
Hindi pa naman pala totally nag-goodbye sa Twitter si Hayden. Bukas pa rin ang kanyang account pero hindi nga lang siya nagpo-post ng messages.
MUKHANG MAY bagong challenge kay Judy Ann Santos.
May nakapagtsika kasi sa amin na sa kanyang latest project ay medyo nag-experiment ang aktres. A far cry from her api-apihan roles in the past which bolstered her bankability, sa latest project ni Juday ay isang dark character ang kanyang ginagampanan.
Tama ba ang tsika sa aming isang murderer ang kanyang role sa Cinemalaya entry na dinidirek ni Joey Reyes. Kasama rin daw sa cast sina Iza Calzado at Agot Isidro. Dapat ay ka-join din sa cast si Eugene Domingo, pero hindi raw ito puwede kaya naman pinalitan siya ni Agot.
BLIND ITEM: Nakakaloka ang young TV host na ito. Kasi ba naman, ang first experience niya sa sex ay ang kanyang tomboy na alalay.
Kinuwento ng hitad sa kapwa niya host ang nangyari sa kanyang unang karanasan. At dahil nga doon ay nagkaroon ng lihim na relasyon ang female host sa kanyang yaya.
Later on, natutong mag-drugs ang female host. At siyempre, ang kanyang yaya ang umi-score ng drugs para sa kanya.
Clean living na ngayon ang TV host. Nagkaroon na rin siya ng pamilya. Ewan na nga lang kung nasa kanyang poder pa rin ang kanyang yaya.
Lex Chika
by Alex Valentine Brosas
