FROM THE START, very vocal si Matteo Guidicelli na pangarap niyang makilala nang personal si Sarah Geronimo at makasama sa pelikula. Malaki kasi ang paghanga niya sa dalaga as a singer and an actress. Ngayon, balitang may pelikulang gagawin ang dalawa under Star Cinema at Viva Films kaya ganoon na lang ka-excited ang binata. “Sana matuloy po ‘yun, wish ko talagang makatrabaho si Sarah and to know her better,” excited na sabi ng guwapong aktor.
Obvious na kinikilig si Matteo kapag si Sarah ang sentro ng usapan. Hindi kaya ang paghanga niya sa Pop Princess ay mauwi sa panliligaw? “For now, hindi pa kami nagkikita… Hopefully sana magkita kami para makapag-usap. Marami ang nagsasabing napaka-down to earth ni Sarah kahit sikat na siya. Walang kayabang-yabang and I do really admire her a lot,” papuri sabi nito sa dalaga.
Kung matutuloy ang tambalan nina Matteo at Sarah, hindi maiiwasang maging malapit sila sa isa’t isa. Paano na ang panliligaw niya kay Andi Eigenmann? “Were friends, ini-enjoy po namin ‘yung friendship that we have right now, wala pa kami sa point na ‘yun. Si Andi, naka-concentrate sa career niya at ‘yun ang kanyang priority. Tita Jaclyn (Jose) is very nice and a very good person,” paliwanag ni Matteo.
Sa panonood namin ng Juicy nina Cristy Fermin, Alex Gonzaga, DJ Mo, at IC Mendoza, naging sentro ng kanilang usapan sina Matteo at Sarah. Binuko ni Alex si Sarah na matagal na pala niyang crush si Matteo.
“2007, nakasama ko si Sarah sa ‘Pangarap Na Bituin’ na siya ang bida. Sinabi niya sa akin na crush niya si Matteo Guidicelli dahil noong panahon na ‘yun, si Matteo ay sikat na nagka-car racing. Sabi niya, ‘hoy, crush ko si Matteo’ kaya lang after ng taping, sabi niya, ‘dinaldal mo ba?’ Kasi, ang daming reporters na nagtatanong kung crush ko raw si Matteo. Sabi ko sa kanila, ‘hindi ako ganu’n,” natatawang kuwento ni Alex.
KUNG KAILAN NAGING loveless si Karylle, lalong naging kaakit-akit ito sa paningin ng publiko. Hindi naging makulay ang friendship na mayroon sila ni Christian Bautista. Hanggang friends lang talaga ang kanilang relationship, ayon sa binata. Naging malapit din ang singer-actress kay Jericho Rosales na akala natin may pupuntahan ang pagiging too much closeness nila sa isa’t isa, pero bigo pa rin tayo. Wala pa talagang special someone ngayon sa buhay ng dalaga.
“Never in my life na ganito katagal na wala akong boyfriend. Marami akong nagiging kaibigan, naaasiko kong maigi ‘yung trabaho. Siguro, it’s just that time before I meet the guy na talagang okey na okey na boyfriend. Siguro naging mapili lang ako nang kaunti, marami akong nami-meet, marami akong nagagawa. Like we did the pictorial for the underwear the other day. Kung may boyfriend man ako, I’m sure away na ito. Wala naman akong ginagawang masama, there are something that’s easier to do… ‘yung mga work ‘pag single ka,” sey niya.
Kung sakaling magkaka-boyfriend si Karylle, hindi importante sa kanya kung taga-showiz or non-showbiz ito. “Hindi ko masabi, ayaw ko namang mag-ano… pare-pareho lang namang tao ‘yan. So, more on mabait ba siya? Maganda ba ang kalooban niya? ‘Yun na lang ang iniisip ko,” sambit ng dalaga.
Right now, ini-enjoy ni Karylle ang pagiging single, walang sagabal sa kanyang showbiz career. “May time ako with my friends if ever walang trabaho. Marami kang puwedeng gawin kapag wala kang boyfriend. Alam ko,
if ever he’s the one for me, kapag dumating na siya sa buhay ko. Mapi-feel mo naman sa sarili mo kung siya na nga talaga. Hindi pa lang siguro dumarating ‘yung Mr. Right for me kaya let’s wait and see.
AYAW Paawat!
by Eddie Littlefield
