HINDI PA MAN IPINALALABAS ang serye ng TV5 na Ang Utol Kong Hoodlum na pinagbibidahan nina JC de Vera at Jasmine Curtis-Smith, nag-last taping day na pala ito kamakailan lang sa Antipolo, Rizal.
Kasama pala rito si Ara Mina bilang kontrabida, na ayon sa kanya ay may pagka-subtle lang naman daw ang pagiging kontrabida n’ya.
At kahit kontrabida raw ang role ni Ara sa nasabing serye, okey naman daw s’ya sa takbo ng kanyang karera.
Hangga’t maaari, ayaw na raw ng aktres ng mga sexy role, “Parang lahat nang klase ng sexy scenes nagawa ko na, eh,” sey ni Ara.
Ang dream role daw ng ate ni Cristine Reyes ay isang psycho.
Willing naman daw makipagtrabaho sa isang proyekto si Ara kay Aiko Melendez na ex-wife ng kanyang ex-boyfriend na si Jomari Yllana na katrabaho ngayon ni Cristine sa teleseryeng Reputasyon sa ABS-CBN.
“If it’s a good project, why not? And of course, if the price is right. Pero dapat muna sigurong mag-usap kami, magkaroon ng meeting, kasi wala pang closure ‘yung nangyari dati, eh,” pag-amin ng dating sexy actress.
Kapansin-pansin ang pagbalik ng magandang katawan ni Ara na dahil daw sa non-invasive body contouring process mula sa Allura na pareho nilang ine-endorse ni Cristine.
Bukod sa pagpapa-body contour, na-try na rin daw ni Ara ang south-beach diet, five-day diet at seven-day diet, kaya naman mula 146 lbs., bumababa ang kanyang timbang sa 130 lbs. She lost 16 lbs. Although, her ideal weight is 125 lbs.
At 32, wala pa raw balak si Ara na lumagay na sa tahimik o magpakasal na sa kanyang non-showbiz boyfriend, kahit three years na silang magka-relasyon. “I’m not ready to get married, kasi feeling ko, hindi ko alam kung ito na ba talaga ‘yung tamang lalaki,” sagot ng actress-singer.
Three years from now pa raw planong magpakasal ni Ara which makes her 35 years old.
NAKAKALOKA PALA ANG mga love scenes ni Dennis Trillo kina Lovi Poe at Carla Abellana sa kanilang pelikulang My Neighbor’s Wife ng Regal Films.
May isang eksena raw na pinasok ni Lovi sa banyo si Dennis, kuwento ng aktor, kung saan patayo raw silang nagniig, dahil wala raw sangkalan o patungan, kung saan n’ya puwedeng isampa o ipatong ang una habang nagsasalo sila sa ligaya. Sa isang panaderya naman daw ginawa nina Dennis at Carla ang kani-lang sex scene.
Pero inamin ni Dennis na wala pa raw s’yang nagagawa sa alinmang eksena na ‘yon sa totoong buhay.
Parehong naniniwala sina Dennis at co-actor nito sa nasabing sexy film na si Jake Cuenca na hindi naman umano kailangan maging magaling sa kama ang mga babae, lalo na kung mahal mo naman talaga. Pero ang hirit ni Dennis, “Puwede namang turuan, eh.”
Si Lovi pala ang makaka-date ni Jake sa darating na Star Magic Ball sa September 3 na ipinaalam naman daw n’ya sa Star Magic.
Nagkataon din daw na libre ang young actress sa araw na ‘yon bagama’t nahihiya ito, kaya bahala na raw ang aktor na mag-entertain sa kanya.
Ano kaya ang reaksyon dito ng ex-girlfriend ni Jake na si Melissa Ricks na malamang ay magkikita-kita sila sa gabing ‘yon?
Makinig ng Wow! Ang Showbiz! with Ms. F as in Fernan de Guzman, Mimi, and yours truly over at DWIZ 882 KHZ on AM band, Monday-Friday, 11 AM-12 NN or log on to www.DWIZ882.com. Follow me on Twitter: @francissimeon.
Franz 2 U
by Francis Simeon
