WALA NAMANG kumukuwestiyon dati sa kabaitan ni Kim Chiu bilang anak sa kanyang mga magulang at mga kapatid, dahil marami naman ang nagpapatotoo tungkol doon. Bilang isang artista rin naman, kung hindi titingnan ang pagkakaroon niya ng hidwaan kina Maja Salvador at Gerald Anderson, masasabing isa sa pinakamabait na artista ang ka-loveteam ngayon ni Xian Lim, dahil nanatili siyang simple noon hanggang ngayon, kahit talagang sumikat na siya.
Pero kung nasaktan man si Kim, ganu’n din ang kanyang mga kapamilya na nagmamahal sa kanya dahil sa mga tira at pagpuna sa pagiging abala ng Tsinitang aktres sa panahon na nakaburol pa ang kanyang ina, hindi nila mahaharangan ng pagkontra na hindi pansinin ang young actress sa panahong mayroon silang miyembro ng pamilya na pinaglalamayan. Ang mga Pinoy kasi ay may isang malalim na paniniwala, na kapag malapit na kapamilya mo ang pumanaw, dapat mag-ukol ka ng respeto at kung puwede nga ay ipagpaliban mo muna ang iyong mga trabaho. Sobra na ‘yung kung hindi ka pa makakadalo sa libing ng yumao.
Madamot kasi dati si Kim at hindi siya naging klaro tungkol sa sitwasyon nila ng kanyang mommy, dahil kahit nu’ng lumabas na siya sa Pinoy Big Brother at nagho-host pa si Kris Aquino sa The Buzz, umiiling at paiyak-iyak pa si Kim kapag tinatanong ang tungkol sa kanyang mommy, makaiwas lang siya sa tanong na iyon. Samantalang puwede namang sabihin kung may iba na bang pamilya ang kanyang mommy at iba pang personal na dahilan, para wala nang 
iba pang tanong. Naiintindihan na ngayon ang sitwasyon, kaya dapat tanggap na rin ni Kim na nagkulang din siya dati sa mga dapat niyang ipaliwanag, kaya nitong huli ay nagkaroon ng paghuhusga sa kanya.
MAGALING MAGBIGAY at maghati-hati ng kanyang panahon si Jake Cuenca sa maraming bagay tungkol sa kanyang buhay. Kapag medyo bakante siya sa career at wala pang mga proyektong dumarating, cool lang siya na naghihintay. Kapag nagkasabay-sabay naman ang kanyang trabaho, heaven iyon sa pakiramdam niya, kaya sineseryoso niya ang kanyang mga ginagawa. Sa lovelife naman, gusto niya ay lagi siyang mayroong inspirasyon.
Kaya lang, marunong na rin ngayon si Jake magkontrol sa kanyang sarili tungkol sa mga pakikipagrelasyon. Medyo nawiwindang lang din siya, dahil parang sobrang kakaiba ang mga babaeng kanyang nakare-relasyon pagkatapos ng kanilang mga hiwalayan. ‘Kita n’yo nga naman sina Roxanne Guinoo at Melissa Ricks, dahil hangga’t maaari, sa isang proyekto ay ayaw nilang makasasama si Jake, dahil sa mga personal na dahilan ng dalawang aktres.
Nitong huli, si Lovi Poe naman ‘yung nagtagal na na-link kay Jake. Kaya lang, mahirap ang kanilang sitwasyon. Nasa kainitan kasi ang magandang sitwasyon sa career ni Lovi at parang makasasagabal kung mayroon siyang lovelife. Ganu’n din naman si Jake, dahil nagkakasunud-sunod ang kanyang mga proyekto. Kaya kung may karelasyon ay mawawalan siya ng oras. Sa katunayan, sa ngayon ay kapareha niya sina Jessy Mendiola at Eugene Domingo sa magkasabay pero magkahiwalay na proyekto.
ChorBA!
by Melchor Bautista
