FINALLY, MAAYOS na raw ang kalagayan ni Luis Manzano, kaya nakapag-taping na raw ito ng Dear or No Deal last week at two weeks ago.
Una naming naibalita na nagkaproblema diumano ang boyfriend ni Jennylyn Mercado sa kanyang lalamunan. Pero ayon sa aming reliable source, it had something to do with his lungs diumano.
Ang tsika pa sa amin, nang mag-taping daw ang TV host-actor three weeks ago, hindi raw nito kinayang tapusin ang pangalawang episode sana na tine-tape nila dahil bigla diumano itong nahirapang huminga nang bahagya, kaya kinailangan pa raw itong i-oxygen sa kanyang dressing room.
Sumugod nga raw agad-agad si Jennylyn sa ABS nang malaman ang pangyayari.
Nakagugulat na biglang kinapos ng hininga si Luis gayong pareho silang mahilig mag-scuba diving ni Jen sa Batangas. Na ang ibig naming sabihin, kung hindi kami nagkakamali, ay dapat malakas ang kanilang lungs.
Ganu’n pa man, hangad pa rin namin ang patuloy na paggaling ni Luis.
ON SEPTEMBER 22 this year pala nakatakdang manganak ang Russian surrogate mother na kinuha ni Joel Cruz para magdala ng kanyang magiging mga anak.
Mga anak dahil twins daw ang inaasahan ni Joel. Isang babae at isang lalaki.
Isa raw sa dahilan kung bakit isang Russian girl ang napili ng negosyante na maging surrogate mother ay para iba ang kulay ng mga mata ng kanyang mga magiging supling.
Tutungo si Joel sa Russia sa araw ng kapanganakan ng mga bata at mananatili ito ro’n nang isang buwan bago ito bumalik ng Pilipinas kasama ang kanyang kambal na anak na malamang ay magmamana ng kanyang mga negosyo at ari-arian.
HINDI NAMIN nakilala ang boyfriend ni Cristalle Belo Henares na si Jason Sabio na miyembro ng Philippine Azkals nang tinutulungan nito ang dalaga na magdala ng mga giveaways para sa birthday bash ni Ruffa Gutierrez two Saturdays ago sa Aracama sa The Fort Taguig.
Hapon pa lang ay nando’n na ang mag-jowa na hindi pa naka-gayak para tumulong sa preparation sa birthday party nga ni Ruffing.
Nakasunod lang si Jason kay Cristalle habang bitbit ang boxes of giveaways sabay tulong sa staff ng girlfiend nito sa paglalagay sa mga paper bags. Hindi nga namin nakilala ang binata dahil napaka-simple lang ng kasuotan nito na shorts at T-shirt.
Napangiti ang unica hija ni Dra. Vicki Belo nang sabihin namin sa kanya na ang sweet naman ng jowa niya.
DALAWA PALA sina Gerald Anderson at Coco Martin sa pinagpapantasyahan ni Mocha Uson, lalo na kapag nag-iisa ito sa kanyang kuwarto.
Kahit si Piolo Pascual ay bet din daw ng sexy singer. Pero dahil sa sexy image ni Mocha at hindi kaila sa lahat kung gaano raw ito ka-open sa usaping sex, baka raw matakot sa kanya si Papa P.
Bukod sa pagiging semi-regular ni Mocha sa Will Time, Bigtime, endorser na rin ito ni Dr. Manny Calayan, kasama ang apat pang miyembro ng kanyang grupo na Mocha Girls na sina Mae dela Cerna (former EB Babe), Franz Falinzan, Yumi Ociman at Chloe Recto.
May tour ang Mocha Girls sa nine cities in Malaysia simula July 14 at sa eight cities naman sa Amerika, from November 15 to 25.
Franz 2 U
by Francis Simeon
