BLIND ITEM: AYAW paniwalaan ng mga executives na sakit ng ulo sa set at laging cause of delay ang isang aktres.
Lumalabas na parang nagsisinungaling pa ang mga staff sa paningin ng mga executives.
Kaya ang ginawa nila, kinunan nila ng picture sa pamamagitan ng celfone ang sikat na aktres.
“Eh, nu’ng ipakita na namin ‘yung picture sa management, doon lang sila naniwala sa amin, kaya ayon, natsugi na ang show niya, kaya nakahinga kami nang maluwag.”
So, ano ba ‘yung nakalarawan sa picture? Ano’ng eksena?
Well, nakakalokah! Kasi borlog na borlog ang lola n’yo. Hinihintay siyang magising, dahil ayaw niyang magpagising.
Juice ko, nakakalokah. Kung sino ito?
Itanong n’yo sa mga bakla ang kanyang initials, dahil ‘yun ang favorite ng mga bading.
BONGGA, ME NAG-TWEET sa amin tungkol kay Willie Revillame. Dahil daw sobrang touched si Willie na ‘yung mga staff niya dati sa Wowowee ay sumama sa kanya sa TV5, aba, tuwang-tuwa ang mga ito.
Alam n’yo ba kumbakit?
I’m sure, naisulat na rin ito, pero kami ay napa-wow. Kasi, imagine, si Willie, sinagot niya ang downpayment ng 21 brand new Toyota Vios na ibinigay niya sa kanyang loyal staff.
Tapos, ‘yung remaining balance, sa ammortization na lang ang poproblemahin ng mga staff.
O, ‘di ba?
Wala lang, nai-share lang namin.
NAKAKALOKAH! SA APAT na araw na showing ng Petrang Kabayo, naka-P60 million plus na agad. At hanggang ngayon ay pinipilahan.
“Naku, sana naman, ‘yung ganda ng resulta ng movie sa box-office, ‘wag namang udlutin ng paparating na bagyo,” text message sa amin ni Vice na kasalukuyang nasa US para sa 3-night shows nila ni Ms. Lani Misalucha.
“Naku, ‘teh, kung Cubao lang ito, eh, ‘di araw-araw akong gala nang gala sa mga sinehan para personal na pasalamatan ang mga nanood ng Petrang Kabayo.
“At least naman, hindi tayo napahiya kay Kuya Dick (the original Petrang Kabayo), dahil box-office hit din ‘yun nu’ng araw,” kuwento pa ni Vice.
Ayon sa line producer ng ‘Petra’ na si Tita Hermie Go, “Baka si Vice Ganda ang tanghaling ‘Comedy Box-Office King’ next year sa Guillermo Mendoza.
So far daw, si John Lloyd Cruz ang may hawak ng korona bilang Box-Office King para sa Miss You Like Crazy with Bea Alonzo na naka-P140 million plus.
MEANWHILE (MEANWHILE DAW, o!), sa mga naka-miss kay Vice Ganda at gustong mapanood ang lola n’yo rito sa Quezon City, meron siyang concert sa Metro Bar sa Oct. 23, 8:30 p.m.
Si Vice mismo ang pumili ng kanyang mga guests (bukod sa kanyang mga kabatuhan sa isang segment na sina MC at Lassy) na si Kean Cipriano and the Callalily.
“Gusto kong humataw sa dance floor, kaya gusto ko ng production number with the XB Gensan at ‘yung Mortal Kombat & the Showgays!”
Kaya nakakalokah, baka abutin na naman ito ng lampas dalawang oras, dahil ‘pag nag-show ang lola n’yo, bigay na bigay!
Sa mga gustong bumili ng tickets, tawag or text kayo sa 0927-7862636. Nag-enjoy na kayo, nakatulong pa kayo sa isang beneficiary.
Oh My G!
by Ogie Diaz
