KC CONCEPCION WISHES for more blessings in her career and personal life this year.
Hindi maikakailang naging makulay at bongga ang kanyang showbiz career last year. Nagkaroon siya ng mga television shows gaya ng Simply KC, Star Circle Quest for the Next Kiddie Superstars (Season 4) at The Buzz, she co-starred with dad Gabby Concepcion in the Star Cinema movie I’ll Be There, tumanggap din siya ng Best Film Debut Performer award from the 3rd Gawad Genio Awards for her movie For the First Time, at nag-release siya ng kanyang second album titled KC.
“I’m really looking forward to doing more of this. More hosting, new shows, sana magkaroon din ako ng bagong album pa, sana makapagsulat pa ako ng maraming kanta, makapag-dance pa ako, makaarte pa ako ulit. And sana maging kumpleto na ‘yung lahat from love life to social life,” sabi niya.
At gaya ng ibang kabataang artista, may condo unit na rin siya. Excited na raw siyang lumipat dito.
Since KC is open about what she looks forward to this 2011, ano naman kaya ang kanyang masasabi tungkol sa kanilang napapabalitang lalong gumagandang samahan ni Piolo Pascual? Sa kanya na rin naman nanggaling na wish niyang makumpleto na lahat sa kanyang buhay including her lovelife. Lumevel-up na kaya nang husto ang kanilang relasyon this year? Maraming bulung-bulungan tungkol sa kanila, pero ano nga ba ang real score between them?
Marami ang nagulat at kinilig when KC recently admitted on The Buzz na magkasama nilang ipinagdiwang ni Piolo ang Kapaskuhan. “Yeah, we spent Christmas together,” she admitted. And why not? Wala namang nakasulat na batas na nagsasabing bawal silang mag-celebrate ng Christmas na magkasama.
Dagdag pa ni KC, “You know, I learn a lot from him. Na maging mas private talaga. Mahal ko kasi ‘yung mga supporters ko, gusto ko ring mag-open nang konti sa kanila, but kung mayroon man akong gustong itago nang konti para sa akin, para sa konting privacy ko po, sana po ibigay ninyo po sa akin ‘yun kasi kahit papaano nakakahanap din naman po ako ng maikukuwento sa inyo at hindi ko po ipagkakaila ‘yun.” Ayon kay KC, this lesson that she learned from Piolo will definitely strengthen whatever relationship they have right now.
Kaibigan, usap tayo muli!
Points of Boy
by Boy Abunda
