KABALIKTARAN NG MGA balita, si KC Concepcion daw ang nagtsugi sa manager niyang si Shirley Kuan.
Ang tsismis kasi, ang dalaga ng Megastar ang binitawan ng kanyang manager. At ang sabi, matigas na raw kasi ang ulo ng dalaga at mahirap na itong pakisamahan.
Ayon sa tsismis, inisnab ni KC si Shirley sa isang taping. Mainit daw ang ulo ng dalaga kaya naman natarayan daw niya ang kanyang manager. Matsutsugi na kasi noon ang show niyang Simply KC. Pero itinatanggi ito ng mga tao sa Dos. Hindi raw mahirap pakisamahan si KC. Wala nga raw itong mga demands. At wala rin silang matandaan na binastos ni KC si Shirley.
“Hindi ugali ni KC na mambastos,” sey ng isang ABS-CBN staff. “She was raised well by her parents para magpakita ng kagaspangan ng ugali.”
Ang nakatatawa, ngayon lang nag-surface ang mga hate-KC stories, ngayong wala na siya sa kanyang manager.
“Kung masama ang ugali ni KC, eh, ‘di dapat noon pa nasulat?” sabi ng isang taga-Dos.
May nabalitaan pa kaming si KC nga raw ang madalas na masigawan ng kanyang manager. Totoo kaya ito? At bakit parang himagsik na himagsik ang kalooban ng dating manager ni KC? Dahil ba malaki ang nawala sa kanyang komisyon?
AFTER IDOL AY balik sa kanyang singing ang baguhang singer-actress na si Emmanuelle Vera na gumanap na kontrabida ni Sarah Geronimo sa nagtapos na kantaserye ng Dos.
Bago pa man ang Idol ay may record deal na pala si Emmanuelle sa Universal Records.
“We were supposed to record before Idol. Pero ngayong dumating ang Idol, it was very stressful. So, we’re recording soon. After Idol, I think I’m gonna focus more sa music ko,” esplika ni Emmanuella na ini-launch kamakailan ng Star
Magic at Cornerstone Artists kasama ang The Lamars (DJ and Micah), Krissy and Ericka at 3 AM na pawang mga mang-aawit.
Nakalabas na sa school plays at nag-training sa Jimmy Antiporda School of Music si Emmanuelle bago pa siya nag-showbiz. Blessing para sa dalagita na nakatrabaho niya si Sarah.
“It was such a blessing kasi she’s my idol ever since. Noong nalaman ko na makakasama ko siya, I was so nervous. It was a blessing. She made us feel na hindi kami baguhan, na we’re friends talaga. That’s the best part of it. I was scared but happy more than anything.”
Natuwa naman ang dalagita na kahit bad girl siya sa Idol ay tanggap siya ng fans ni Sarah.
“Actually, ‘yung Popsters, ‘yung mga close sa kanya (Sarah), sila ‘yung nagtayo ng fans club para sa akin, ang Emmanuellenatics. Sila mismo. ‘Yung Popsters nagdala sila ng bouquet of flowers sa akin noong last day (ng taping). In the end, akala ko sila ‘yung magiging haters sa akin pero sila ‘yung naging supporters sa akin.”
NAPAIYAK SI SHALALA sa interview niya sa Paparazzi kahapon. Natanong kasi kung totoo ang balitang nauubos ang kanyang kinikita dahil sa panlalalaki.
Inamin naman ni Shalala na nagkagusto siya sa isang dancer. “Kasalanan ko ba kung magkagusto ako sa lalaki, eh, bakla ako? Pero hindi naman totoong inuubos ko ang pera ko sa lalaki,” paliwanag ng sikat nang TV anchor sabay tulo ng luha.
May pinagamot palang may sakit na pamangkin si Shalala at nagkautang-utang siya sa pagpapagamot dito.
“Hindi na nga ako makabili ng kotse. Nagta-taxi, nagdidyip at nagtra-tricyle na nga lang ako papunta sa mga lakad ko.
Madrama rin pala ang buhay ng baklitang ito. Halos maiyak lahat ng nasa audience ng Paparazzi noong taping noong Sabado.
Lex Chika
by Alex Valentine Brosas
