MERONG KAMING KATSIKAHAN. Parang nag-quiz pa sa amin. Sagutin daw namin ang kanyang tanong. Nu’ng una, nagtaka kami, dahil parang ang hirap sagutin. ‘Eto ang text sa amin:
“What do Billy Crawford, John Lloyd Cruz and Joey de Leon have in common?”
Siyempre, bukod sa lalaki sila lahat at walang bading sa kanila, ano pa nga ba?
“Lahat sila, may HIV!”
Huh?
“Gagah, hindi Human Immuno-deficiency Virus as in AIDS, ha? Sila lahat ay ‘Hair Is Vanishing.’
“Pansinin mo ang kanilang noo, lalong lumalapad. Kung ‘yung iba, sa bumbunan numinipis ang hair, sila, buhok sa harap, kaya pansinin mo sina Billy at Joey, bangs kung bangs!
“Si Erik Santos, mukhang candidate na rin!”
Juice ko, lalayo pa ba? Kahit nga kami, eh. Hindi lang halata. He-he-he!
AND SPEAKING OF Erik Santos, dahil sa mga bonggang review sa kanyang acting ay tinanong namin siya kung magtutuloy-tuloy na ba siya sa pag-arte.
Aba, now is the best time, dahil kahit hindi pa umaarte si Erik ay kilalang-kilala na siya, ‘no! Plus the fact na mahal ng kamera si Erik, simpatiko, hindi antipatiko.
“Magwo-workshop muna po ako para hindi naman nakakahiya sa mga kasama kong magagaling!”
Bongga, if ever emporium. Teleserye Theme Song King na siya, teleserye actor pa siya. Ayaw pa ba?
NATUTUWA NAMAN KAMI rito kay Jovit Baldivino, ang grand champion sa Pilipinas Got Talent, dahil ang bagets, meron nang Sky Flakes TV commercial, ha?
Sana lang, naalagaan ng direktor ang mga shots ni Jovit. Dahil karamihan sa eksena niya roon, wala siyang leeg.
Eh, mahirap na. ‘Yung iba, kakain ng naturang biskwit, dahil baka gumanda ang boses nila.
‘Yung iba, baka hindi na kumain ng Sky Flakes, sa takot na mawalan sila ng leeg.
TAPOS NA ANG 15-minute fame ni Keanna Reeves. Pansamantalang pinag-usapan ang pagiging kiss-and-tell niya sa mga actors na nakatsuktsakan niya.
Ewan ko lang ngayon kung me magkakainteres pang aktor ke Keanna sa takot na maidaldal din sila nito.
‘Pag nagkataon, babalik na ang “virginity” ng lola n’yo.
‘Wag n’yong kalilimutang makinig sa “Wow! Ang Showbiiiz!” sa dwiz 882 sa inyong AM station at maririnig din sa www.dwiz882.com, 11-12nn kasama sina Francis Simeon, Rommel Placente at Ms. F.
‘Yan ay kung type n’yo lang maaliw, ha?
Oh My G!
by Ogie Diaz
