KILALA N’YO BA kung sino itong kilalang male singer na nagso-show diyan sa isang bar lang sa may area ng Quezon City?
Nalolokah nga kasi ang lahat kapag nalalaman nilang ang nanonood lang ay hindi pa yata aabot sa sampung katao. Kalokah! Dahil nga masasabi naman siyang sikat at nakilala sa kanyang estilo ng pagkanta, pero mukhang hindi yata maganda ‘yung madalas na magkaroon siya ng gig ay sobrang flop.
Nakakaawa naman ang mga producer o may-ari ng bar kung madalas nga siyang mag-show, pero hindi naman kumikita. Lugi palagi ang kanyang show.
Naku, kapag hindi naayos ng singer ang kanyang mga show ay sigurado kaming hindi na magtatagal ang career at masasabing siya nga ay isang laos.
Sayang, mahusay pa naman siyang singer at talagang masasabing talented. Pero anong silbi ng mahusay ka ngang singer kung wala ka namang audience? Kalokah nga!
Gusto n’yo ba ng initial? Naku, kapag pinagsama ang initial ng name at surname niya ay magiging pangalan ng isang lalaki. ‘Yun na!
(By Fernan de Guzman)
