KINSA SIYA? BUMUHOS ang mga texts-tanong nu’ng Miyerkules sa aming radio program sa Radyo Singko dahil sa isang nakakalokang blind item na inilahad ni Nay Cristy Fermin.
Ilang minuto lang kasi nu’ng nagsimula na kaming umere nina Richard Pinlac at Elmer Reyes ay may isang very unimpeachable source ni Nay Cristy ang nag-text na kasalukuyan siyang nasa isang restaurant sa Quezon City nang dumating daw itong sikat na aktor kasama ang isang miyembro ng all-male group. Gano’n?
Bakit gano’n? Nagmeryenda daw ang dalawa. Kaya naman ang daming humula kung sino ang mga personalidad na nabanggit at halos lahat sila ay nasapul kung sinu-sino sila.
Naku, ha! Puputok din ang balitang ito at nagtataka lang kami, paano kaya sasagutin ni sikat na aktor ang isyung ito?
(Arniel Serato)
