CUTE ng mga eksena ng magka-loveteam na sina Kisses Delavin at Donny Pangilinan sa hit barkadahan film na WalWal ni Direk Joey Javier Reyes.
Kaswal na kaswal ang dalawa sa mga eksena nila, lalo na si Kisses na nakikitaan ko ng malaking promise sa showbiz bilang isang artista.
Sa totoo ang, may pagka-boyish ang karakter ng dalaga sa mga eksena niya with Donny na ang galaw niya ay may pagka-gaslaw na tuloy naisip ko si Maricel Soriano noong nag-uumpisa siya noon sa Regal Films sa panahon na binubuo ang loveteam nila ni William Martinez.
Sa tipo ni Kisses na very optimistic sa diskarte at desisyon niya sa buhay, samahan ng tiyaga, dasal at pagpupursige para lalo matuto, I wish na mag-succeed ang dalaga.
And speaking of Donny, learned from her Mom Maricel Laxa, never pa pala naka-girlfriend ang binata.
Kung ganun, if ever pala magkaroon ng katuparan, hindi kaya si Kisses ang magiging first ng binata?
Sa totoo lang, bagay sila for ‘real’.
Para sa WalWal Gang, congratulations at naka-7 million ang kinita ng pelikula on it’s first day of showing.
Reyted K
By RK Villacorta
