NAG-REACT SI Kris Aquino sa nasulat namin noong Lunes na P48 million ang nakuhang settlement amount ni James Yap sa kanya.
“Kung anuman ang naging settlement namin, it was fair. I don’t think he was greedy,” sabi ni Kris.
Surprisingly, she did not issue any denial when she had the chance to. Ang dali-dali namang sabihin na no, it’s not true but she chose to keep mum about it. What gives?
Anyway, ang nag-deny ay ang kampo ni James na nag-issue ng statement.
“The issue on property settlement has long been settled, when the parties amicably and voluntarily entered into an agreement early this year. Suffice it to state that the terms were fair to both parties concerned. We hope that this clarifies the false and baseless accusations against Mr. Yap,” sabi ni Sonya Benemerito-Castillo na representative ni James.
Excuse me, but there was NO accusation to begin with. You can read the article and tell us if there was a part in it where we accused your client of anything.
We were so taken aback by the accusation thing as we were not in any way accusatory in that item. To us, the better term would be speculation not accusation.
Gets mo?
NAIYAK ANG AUDIENCE sa Paparazzi dahil sa kuwento ng buhay ng dating character actor na si Dick Israel.
Iniwan pala ng kanyang second wife si Dick matapos siyang ma-stroke. Paiyak siyang nagpasalamat sa kanyang first family na tinanggap pa rin siya kahit na may kasalanan siyang nagawa sa mga ito.
Kitang-kita naming kung paanong napaluha ang ilan sa audience dahil sa madramang buhay ni Dick.
SI LEO DOMINGUEZ naman ang napapabalitang kaaway ngayon ni Carla Abellana.
Da who si Leo? Siya ang manager ni Lovi Poe at ng actor na lumayas sa bakuran ng Siyete na si Paulo Avelino.
Naimbiyerna raw si Leo nang maglitanya si Carla ng “a-yokong maging ganu’n ang image ko” patungkol sa pagpo-pose ni Lovi nang sexy sa isang men’s magazine.
“It takes a lot of courage and ako, hindi ko talaga kayang gawin ‘yun. Ayoko talaga! I’ve said many times na kapag nag-cover ka sa isang men’s mag, pangalan mo ang nakalagay,” sabi ni Carla sa isang interview.
Sa Twitter idinaan ni Leo ang kanyang sama ng loob kay Carla na feeling niya ay tactless at bastos.
“Think before you speak, girl! Wala bang nagturo sa ‘yo?” tweet ni Leo.
“The ‘ignorant’ girl strikes again. Hmmmmmmmm” sabi pa ng manager.
Wala kaming nakikitang masama sa sinabi ni Carla. She was just honest enough to say na hindi niya kaya talagang mag-pose nang sexy. We think some people are over-reac-ting on the issue. And we mean it.
Lex Chika
by Alex Valentine Brosas
