OLA CHIKKA! NATUWA ako nang napanood kong muli itong Taklesa Queen na si Kris Aquino sa Showbiz News Ngayon sa Dos. Ibang-iba talaga ang programa kapag si Boy Abunda at Kris Aquino ang magkasama, bagay na bagay
talaga sila kaya walang duda na tumagal ang The Buzz ng 11 years dahil sa galing ng kanilang mga comments and reactions.
Ngunit nakakalungkot man isipin ay ipinagtapat na ni Tetay noong isang gabi sa SNN ang kanyang paglisan sa mga shows na naging bahagi na ng kanyang buhay.
Ayon kay Kris ay sa duration ng pagiging presidente ng kanyang kapatid na si Noynoy ay ipinangako niya na hindi siya gagawa ng ano mang kontrobersiya para hindi na siya pag-usapan at makaiwas din sa pagbabatikos sa kanyang kapatid. Hanggang June 25 na lamang siya sa SNN at June 27 naman sa The Buzz. Ang kanyang teleseryeng Kung Tayo’y Magkakalayo ay hanggang August pa kaya may ilang buwan pa para makita nating ang kanyang mukha sa telebisyon.
Matapos ang babang luksa ng kanyang Inang ay tatlong linggo silang magbabakasyon ng kanyang pamilya. Pagsapit naman ng Setyembre ay aayusin na ng istasyon ang mga programang babagay sa mga bagong buhay ng kanilang talents at malamang ay isa na du’n si Tetay.
Base sa aking paningin, hindi naman talaga mawawala si Tetay sa showbiz. Siguro ay gagawa pa rin siya ng mga teleserye at pelikula pero pagdating sa mga shows tulad ng The Buzz at SNN ay tiyak iwas-iwas muna siya upang hindi na madamay pa ang kanyang kapatid at makatulong din sa Malacañang. At tiyak ay huling-huli ang mga gumagawa ng katiwalian dahil sa kataklesahan ni Tetay ay bagay na bagay siya sa Palasyo.
Kaya sa mga naninira kay Kris Aquino, puwede na kayong magdiwang at magpadala ng lechon sa kanyang despedida party at diretso hatid sa airport para sa kanyang bakasyon. At sa oras na ‘yun, mayroon pa kayong tatlong linggo upang magsaya dahil sa pagkawala ng Taklesa Queen ay siyang pagdating ng mas bongga pang Tetay… ang FIRST SISTER! O, anong sey n’yo?!
TALAGANG KAKAIBANG BIYAYA ang natatanggap ng Revilla Family dahil sa kabutihang ipinamamalas nila sa kanilang nasasakupan. Pinagpapala talaga ang mga taong may likas na kabutihan sa puso mula sa kanilang pamilya hanggang sa pinakamababang posisyon ng kanyang mga empleyado. Kaya para sa iyo at iyong pamilya. Congratulations Papa Bong!!!
BLIND ITEM: PITIK-BULAG! Sino itong young actor na paboritong-paborito ng mga tabloid na lagi na lamang laman ng pitik-bulag dahil sa kanyang kasarian?
Kung noon ay pagpa-powder lamang ang ibinabato sa kanya, ngayon ay pati sex video niya kasama ang kapwa niya lalaki na kumakalat daw umano ngayon sa internet. Tsk, tsk, tsk! Kawawang bata. Kailangan n’yo pa ba ng clue? Mukhang hindi na. Ha-ha! ‘Yun na!
NAIS KO PONG pagbigyan ang kahilingan ng akin anak at humingi ng boto sa inyo sa Clean & Clear Contest sa Facebook account. To vote for Kariz Espeña & Joni Sioson, just visit facebook account. Type [email protected] sa search engine and please click the Clean and Clear link sa wall ko. Thanks po!
AT HUWAG N’YO pong kalimutan ang aking OLA CHIKKA PRODUCTIONS para sa advertisement, guesting, exposure, shows at everything regarding entertainment. For inquiries just call us at 417 6181 at 0927 428 4216. Nais ko
lamang pong linawin na hindi ko po personal numbers ang mga iyan. Lahat ng iyan ay office numbers kaya para sa mga updates sa akin at comments, maaari po kayong mag-send sa akin ng e-mail sa [email protected]. Maraming salamat po and God bless us all!
Ooola Chika
E-mail: [email protected]
by Tita Swarding
