NGAYONG ARAW ANG panunumpa ni Noynoy Aquino bilang bagong pangulo ng ating bansa pero ang inaabangan ng karamihan ay kung dadalo ba si James Yap. Kung sakaling dumating ito, magtatabi kaya sila ng puwesto ni Kris Aquino?
Nakakaloka si Kris, ‘di ba? Moment lang sana ito ng kapatid niyang nahalal na pangulo ng ating bansa pero talagang tatalbugan pa niya ito ng eksena. Without really trying, siya pa rin ang pag-uusapan, ka-share si Pres. Noynoy. Nakakaloka!
Maraming mga kuwentong naglalabasan na dahilan ng hiwalayan at mukhang may bahid naman ito ng katotohanan. Pero tingin ko riyan, naipun-ipon na lang talaga dahil mukhang matagal na itong pinagdaanan nila, pero sinisikap pa rin nilang maayos.
Ang hindi lang natin alam, anong bagay ang nagpainit lalo ng kanilang problema hanggang sa sumuko na si Kris.
Inaayos na raw ngayon ang legalidad ng kanilang paghihiwalay kaya naniniwala akong malabo nang maayos iyan.
Kilala ko si Kris, eh. ‘Pag sinasabi nitong “it’s over” talagang “it’s over!” Nangyari na ‘yan dati kay Phillip Salvador, kay Joey Marquez at sa iba pang boyfriend niya pero talagang hindi na nito binabalikan.
Ang naalala ko lang nu’n na nakipagbalikan siya, kay Alvin Patrimonio, pero sandali lang din ‘yun. Kaya talagang tuluyan na ‘yang hiwalayan na ‘yan.
Ang hinihintay na lang ngayon ay ang pagsasalita ni James. Alam ko, nag-uusap sila ni Ricky Lo at baka pagbigyan niya ito ng interview pero hindi pa sure ‘yan kung ready na siya.
Pero kung sakaling magsasalita na si James, gagamitin din kaya niya ang linyang “suko na ako”?
MABUTI PA SINA Jennylyn Mercado at Patrick Garcia, nagkasundo na pala sila at finally, nakita na rin ni Patrick ang anak niyang si Alex Jazz.
Masaya nga raw ang birthday party ng anak nina Cheska Garcia at Doug Kramer dahil dumalo si Jennylyn dala ang anak nitong si AJ at ang Mommy Lydia niya.
Nandu’n si Patrick na kararating lang galing Australia kaya masaya raw silang lahat at naglitratuhan pa ngang magkasama silang tatlo.
At least happy na sila at masasabing kumpleto na si Alex Jazz dahil nakilala na nito ang tunay niyang ama.
Nakita nga raw roon sa party na seryosong nag-uusap sina Mommy Lydia at ang Mommy Bing ni Patrick. Parang kinalimutan na raw nila ang lahat at okay na sila ngayon.
Abangan n’yo na lang sa Startalk ang kabuuan ng kuwentong ito dahil sinisikap naming magsalita sina Patrick at Jennylyn tungkol dito.
Iniiwasan lang kasi ni Jennylyn na magsalita dahil baka isipin pa raw ng iba na kaya ginawa niya ito ay para mapag-usapan lang. Iniiwasan niya kasing gawing showbiz issue pa itong pagkakasundo nila ni Patrick. Mas gusto niyang very private lang talaga ito at sila-sila na lang ang nagkasundo na wala sa harap ng media.
Mga Mata ni Lolita
by Lolit Solis
