Today is the moment! We mean… ngayong araw na ito ang moment ni Kris Aquino. Moment niya to talk with her big bosses sa ABS-CBN regarding certain career changes daw na plano niyang gawin.
Yes! Kris will still stay rito sa Pilipinas. Care niya kung sandamakmak ang nagku-comment sa iba’t ibang blogsites sa internet hinggil sa nasabi niya dati na if ever na manalo ang kapatid niyang si Noynoy Aquino sa pagka-Presidente at makasisira rin lang siya, by all means ay lalayas siya sa Pilipinas kasama ang dalawang anak at magtatrabaho na lang sa TFC ng ABS-CBN sa Amerika.
Ang pagkakaintindi kasi ng marami sa sinabi niyang iyon, lalayas siya sa Pilipinas kapag wagi si Noynoy. Eh, nanalo nga. Kaya may mga nagsasabing dapat ay mag-empake at magpa-despedida na si Kris at panindigan ang sinabing paglayas sa Pilipinas.
Sa paniniwala ni Kris, hindi naman daw siya nakasira kay Noynoy. At hindi naman daw sa pagiging mayabang kundi it’s a fact, nakatulong daw siya sa kapatid niya. At balak daw niyang tulungan ito in any possible way she can. For as long as gusto raw nito na tumulong siya.
At ‘yon na nga, kaugnay ng hangad ni Kris na matulungan ang elder brother niyang nakatakdang manungkulan bilang bagong Pangulo ng bansa, after June 30 (proclamation ni Noynoy), may mga programa raw na kailangan niyang i-give up.
It’s a sacrifice daw on her part. But it’s something, she’s willingly going to do for her family. Para rin daw ito sa peace of mind ng kanyang pamilya, para kay Noynoy, at para rin daw sa mga probinsiyang napangakuan niya ng tulong na ipaaabot ng kanyang kapatid, kailangan daw nga niyang magampanan ang tulong na iyon. ‘Yong boto at suporta raw ng sambayanan, isosoli raw niya ngayon sa pamamagitan ng serbisyo para sa bawat Pilipino.
Aminado si Kris, there are certain areas daw in her career that caused Noynoy difficulties. Alam daw niyang there are instances na meron siyang nasasabi na kawawa naman daw ang kanyang kapatid na magiging Presidente, na ito ang dapat managot. Kaya nga sinabi raw niya rito na she’ll give it up for him. At kung ano ang mga bagay na ‘yon, ipaaalam din daw niya lahat kapag nakapag-usap na nga sila ng management ng Kapamilya Network.
“But I intend to stay put,” sabi pa ni Kris. “Sorry, huwag n’yo muna akong paalisin. Sabi ni Noy hindi ako masamang tao.”
Last Monday, bumalik na si Kris sa pagiging co-host ni Boy sa SNN. Pero may pahiwatig siya sa staff ng The Buzz na parang iiwan na niya ang programa dahil sa sinabi niyang, “Let’s enjoy the next 6 weeks.”
“After June 30, there are many many changes na magaan po sa puso ko. I love this country. But more than that, I love my family.”
Sa plano ni Kris na pagtulong kay Noynoy, senyales kaya ito na she will be her brother’s ‘First Lady’ dahil wala pa ngang asawa ito?
Kung sakali, wala naman sigurong masama. Sabi nga rin ng Queen of All Media, it’s a different Kris Aquino raw ngayon. Talagang magiging maingat daw siya at maging ang iba pang miyembro ng kanilang pamilya para walang maipintas sa isa man sa kanila.
And if only for that, let’s give Kris a chance.
MAINIT ANG NAGING pagtanggap kay Robin Padilla bilang guest host ng Wowowee. Mataas ang ratings na naitala ng mga episodes ng programa nang pumasok na siya. Hindi lang ang viewers, kundi pati ang mga regular female co-hosts ay talagang very warm at kinikilig pa sa pag-welcome sa action star.
Si Pokwang nga, parang gusto nang mangisay sa tindi ng kilig na nararamdaman. Nagbibiro pa nga itong gusto raw n’yang magkaanak kay Binoe.
Laking pasasalamat naman daw ng aktor sa naibigay na pagkakataon sa kanya na maging instrumento para sa kawanggawa sa pamamagitan ng Wowowee. Hindi raw siya nagdalawang-isip na tanggapin agad ang alok na maging guest host ng nasabing show.
“Ako po ay nandiyan para sa taong bayan. At naniniwala po ako na napakaraming natutulungan ng show na ‘yan,” sabi pa ni Robin.
Ewan lang kung coincidence. Pero sa pagsulpot ni Robin as guest host ng Wowowee, balitang biglang fly naman si Willie Revillame for a vacation sa Macau. Na-hurt kaya ito dahil without his knowledge ay biglang bumulaga si Binoe sa Wowowee? Ayaw niyang mapanood na parang nakakita na ng epektibong pamalit sa kanya ang ABS-CBN sa katauhan ng action star?
Kahit Bad Boy kasi ang image o naging tatak ni Robin, idol at mahal siya ng sambayanan. No wonder kung humahataw sa ratings ang Wowowee ngayong siya ang pansamantalang host ng programa.
Ano kaya kung siya na lang ang permanenteng ipalit kay Willie?
Rubbing Elbows
by Ruben Marasigan
