NAGULAT SI James Yap sa kuwentong tinanong daw ng anak niyang si Bimby si Kris Aquino ng “you had sex with two men?” nang nalaman niyang magkaiba sila ng tatay ni Joshua.
Sabi ni James, kaya maingat daw siyang magsasagot sa mga tanong ni Bimby dahil matalino raw talaga ito.
“Dapat maayos ang sagot mo, hindi pabalang, kasi nakaiintindi na talaga,” sabi ni James sa post-birthday party nito nu’ng nakaraang Biyernes sa Skye Lounge sa The Fort.
Pero natutuwa si James dahil nagkaayos na sila ni Kris pagdating sa visitation rights niya sa kanilang anak, kaya okay na raw sila at wala na raw silang hinaharap na kaso.
Nakikita raw niya kasi kay Kris na mukhang in love ito ngayon kaya napaka-positive daw ng aura ng dating asawa.
Mga Mata ni Lolita
by Lolit Solis
